Paketa Antikrizë, Edi Rama: Ai që harxhon më shumë se 800 kw do të paguajë 42 lekë/kwh

Nga Paketa Antikrizë që u prezantua sot nga Kryeministri Edi Rama, ministrja e Financave Delina Ibrahimaj dhe Zv/Kryeministrja Belinda Balluku sot shqiptarët e kuptuan se qeveria iu rikthye fashave për faturën e energjisë me arsye nga më të ndryshmet pse ata që harxhojnë mbi 800 kwh do të paguajnë një rritje çmimi me rreth 500 për qind, dhe do gëzojnë rritjen e pagës minimale në 34 mijë lekë ndërsa për indeksimin e pagave dhe pensioneve janë në pritje, deri sa ky premtim i ripërsëritur të shfaqet në llogaritë e tyre bankare.

Kështu, Kryeministri Edi Rama duke prezantuar Paketën e Rezistencës Sociale tha se ajo është konceptuar si një mbështetje afatmesme, dhe jo si një mbështetje e përkohshme, e shtrirë në një, dy apo tre muaj.

1.Për pensionet, indeksohen zakonisht 1 herë në vit, kjo ndodh në muajin prill. Duke marrë parasysh edhe efektin e inflacionit janë indeksuar edhe këtë vit por për herë të parë do të riindeksohen. Do të riindeksohen të llogaritur me normën e inflacionit që shkon në 6%, duke u nisur nga indeksimi i mëparshëm dhe në 9.5% si indeksim tërësor i këtij viti.

Kjo do të ndodhë edhe për personat me aftësi të kufizuar që kemi indeksimin e përvitshëm. Bëjmë ndërhyrje me indeksim 7.5% për të gjithë personat me aftësi të kufizuar. Do të rrisim me 10% ndihmën ekonomike dhe do ta dyfishojmë ndihmën ekonomike për gratë familjare me 2 fëmijë. Të gjitha gratë që janë në kushtet e papunësiisë, do të marrin një ndihmë ekonomike të dyfishuar”

2.Do të vazhdojmë programin e rritjes së pagave për sektorët prioritarë me buxhetin dhe afatin e vitit të ardhshëm. Pasi kemi rritur pagat për infermierët, ishtaraktët, mesuesit dhe mjekët. Do vazhdojmë të rrisim pagat për administreatën, po ashtu edhe për policinë e shteti dhe burgjeve, kategori këto që kishën kohë që nuk merrrnin rritje

3.Ndërhyrje  e dytë për pagën minimale, për ta rritur nga 32 në 34 mijë lekë.

Qendrojmë edhe në tre pikat që kishte paketa e mëparshme: Financimi i naftës për fermerët, për peshkatarët, dhe mos prekja e biletës së transportit,” tha Edi Rama.

Mbi 800 kwh, çmimi rritet rreth 500%

Duke folur për përballimin e krizës energjetike. Kryeministri Rama konfirmoi atë që përfitej për javë të tëra, se çdo kilovat mbi 800 kWh do të paguhet me çmimin e tregut; Ndërkohë Zv/kryeministrja Belinda Balluku sqaroi se çmimi 9.5 lekë do të rritet me rreth 500 për qind për të gjitha ato familje që shpenzojnë mbi 800 kWh, përkatësisht ky “çmimi i tregut” do të jetë 42 lekë/kwh

“Kemi mbi 90% konsumatorë familjarë që konsumojnë më pak se 800 kWh dhe kemi një numër konsumatorësh rreth 6 ose 7% që konsumojnë më shumë se 800 kWh. Flasim për konsumatorë familjarë me vila, pishina, me oborr të madh, ndriçim dekorativ për të cilët nuk mund të paguajë më buxheti i shtetit dhe taksapaguesit. Çdo kWh mbi 800 do të paguhet me çmimin e tregut. Me këtë synojmë një presion për të ulur konsumin e tepërt në kushte krize. Sikundër e kemi përsëritur disa herë”, tha Rama ndërkohë ministrja Balluku dha detajet rreth kësaj pakete për krizën energjetike.

“Paketa e fashës 800 megavat i përket një grupi shumë të vogël abonentësh. Mbi 96% e abonentëve familjarë konsumojnë nën 800 këh. Janë të gjitha pajisjet shtëpiake më një aktivitet normal gjatë muajit.

Duke vendosur fashën 800 kilovat ne do të kursejmë 100 milionë euro deri në dhjetor 2023, dhe presim të ulim me 2% konsumin e energjisë. 35 lekë është çmimi plus 7 lekë tarifa e shpërndarjes dhe në total shkon 42 lekë kilovati. Pra për çdo kilovat mbi 800 kilovat, do të paguhet 42 lekë. Në 31 dhjetor do të vendoset çmimi i ri për fashën. Pra çmimi i energjisë do jetë 42 leke kilovati për ata që shpenzojnë mbi 800 kilovat,” tha Zv/Kryeministrja Balluku duke u munduar të zbus dhimbjen e shqiptarëve me këtë rritje prej rreth 500 për qind me faktin se për shkak të mungesës së reshjeve, është viti i parë që Britania e Madhe dhe Gjermani kanë shpallur emergjencë ndërsa kriza sa po vjen dhe thellohet. .