Paketa Antishpifje/ Edi Rama mprehë shpatën, Ilir Meta e paralajmëron…

Deri sa Kryeministri Edi Rama paralajmëroi se sot do të miratohet Paketa Antishpifje përkundër kundërshtive dhe komuniteti i gazetarëve kërkoi nga Presidenti i Republikës që të mos e dekretoi, sot Ilir Meta sqaroi se si do të veproi kur të jetësohet premtimi i Edi Ramës për pushtimin e fjalës së lirë:

“Të shohim si do të jenë zhvillimet. Unë shpresoj të mos bëhen veprime të nxituara. Çdo veprim i imi do të jetë institucional dhe do të jetë transparent, por nuk mund të gjykoj asgjë”.

I pyetur se si do të veproi tani pasi më parë ishte shprehur se do ta mbrojë me çdo kusht Kushtetutën dhe paralajmëroi një tubim i cili për shkak të tërmetit të 26 Nëntorit u shty:

“Unë e mbroj Kushtetutën çdo ditë edhe në çdo moment, që nga çasti që kam vënë dorën mbi Kushtetutë, sepse kjo është detyra kryesore e Presidentit të Republikës.

Padyshim që kjo nuk është vetëm detyrë e Presidentit, por është e të gjithë popullit shqiptar, i cili e ka miratuar Kushtetutën me referendum më 22 nëntor të vitit 1998 dhe i cili për fat të keq që nga ajo periudhë e deri më tani ka lejuar t’i preket Kushtetuta në kohë të ndryshme, duke tronditur themelet e shtetit të së drejtës, gjë që ndihet sot nga të gjithë qytetarët shqiptarë.”

Presidenti së bashku me qytetarët do të përforcojnë themelet e Kushtetutës, që u votua më 22 nëntor 1998. Kjo është detyra ime dhe është detyra e të gjithëve ne”, tha Presidenti Meta.