Paketa Antishpifje/ Reagimi nga PE, Lega: Shqipëria rrezikon…

Kur Paketa Antishpifje kaloi në Komisionin e Ligjeve dhe atë të medias me një diskutim primitiv ndonëse u kundërshtua nga të gjitha Shoqatat e Gazetarëve shqiptar, 35 organizatat ndërkombëtare dhe Opozita e Bashkuara, dhe pritet të kalojë tashmë edhe në Parlamentin e Shqipërisë një reagim i fortë vjen edhe nga Parlamenti Evropian. Raportuesi për Shqipërinë nga radhët e PPE dhe anëtari i Komisionit të Jashtëm pranë Parlamentit Evropian, David Lega, e bënë të qartë se miratimi i Paketës Antishpifje rrezikon kryesimin e OSBE-së:

“Nëse Parlamenti shqiptar miraton ligjet e reja për median, ai vë në rrezik kryesimin nga Shqipëria të OSBE-së,” thekson europarlamentari suedez përmes një postimi në rrjetin social Twitter ndërsa e bënë të qartë se kjo do të cënon edhe negociatat për anëtarësim në Bashkimin Europian.

“Gjithashtu, ky vendim do të komplikojë negociatat për anëtarësimin në Bashkimin Europian. Për këtë arsye, rezistenca e fortë nga Partia Demokratike është e mirëpritur.”