Paketa Antishpifje/ Tryeza e Opozitës, Rama: OSBE është konsultuar Nen për Nen…

Pas Tryezës për Lirinë e Medias e cila u organizua nga Opozita e Bashkuar ku u kundërshtuan ligjet e censurës së propozuar nga qeveria, dhe ku Kryetari i Partisë Demokratike, Lulzim Basha u zotua sese do ta zhbëjë këtë legjislacion, ka reaguar Kryeministri Edi Rama duke vazhduar me demagogjinë e tij rilindase ndërsa thekson se Projekt-ligji është konsultuar e përpunuar prej një viti, Nen për Nen e pikë për pikë me OSBE.  

“Ose s’e kanë lexuar projekt-ligjin ose duan të prekin lirisht dinjitetin e çdokujt nëpër portale e faqe sociale dhe të tallen me të vërtetën e me opinionin publik, duke shkruar çfarë t’u teket, duke shpifur sa e si t’u teket, duke shantazhuar e duke i vënë gjoba kujt t’u teket,” thekson Edi Rama përmes rrjetit social Twitter duke thënë tashmë atë që të gjithë e kanë të qartë se Projekt-ligji do të hyjë në seancë pa asnjë cen në aspektin e standarteve të lirisë për t’u shprehur e të së drejtës për t’u informuar pa kufizim,po edhe të mundësisë për t’u mbrojtur nga shpifjet.

Dhe jo vetëm kaq! Edi Rama ishte prekur edhe për vërjetjet që u shfaqën për televizionin kriminal të Kryeministrit:

“Sa për ‘ERTV’ faleminderit për publicitetin dhe mos ma prekni ju lutem fjalën time të drejtëpërdrejtë, për të gjithë ata që hyjnë pa asnjë detyrim në faqen time të fejsbukut, ku po u pëlqeu rrinë po s’u pëlqeu ikin,” tha Edi Rama pa sqaruar pronarët e televizioneve se çfarë duhet ti thënë Gebelsit të tij Fuga me gjithë shpurrën kur kërkojnë që Kryeministri të futet “live” nga ERTV.

Ndryshe, në Tryezën e sotme Kryetari i Partisë Demokratike, Lulzim Basha u zotua se nëse çmenduria çohet deri në fund, ditën e enjte nga parlamenti i cunguar dhe ilegjitim opozita jo vetëm që nuk do ta njohë, por do të bëjë çdo gjë që sa më shpejt, sapo të ketë mundësinë dhe përgjegjësinë e qeverisjes ta zhbëjë këtë legjislacion, ka reaguar  

Ja postimi i Ramës:

Ose s’e kanë lexuar projekt-ligjin ose duan të prekin lirisht dinjitetin e çdokujt nëpër portale e faqe sociale dhe të tallen me të vërtetën e me opinionin publik, duke shkruar çfarë t’u teket, duke shpifur sa e si t’u teket, duke shantazhuar e duke i vënë gjoba kujt t’u teket!

Projekt-ligji është konsultuar e përpunuar prej një viti, nen për nen e pikë për pikë me OSBE dhe do të hyjë në seancë pa asnjë cen në aspektin e standarteve të lirisë për t’u shprehur e të së drejtës për t’u informuar pa kufizim,po edhe të mundësisë për t’u mbrojtur nga shpifjet.

Sa për “ERTV” faleminderit për publicitetin dhe mos ma prekni ju lutem fjalën time të drejtëpërdrejtë, për të gjithë ata që hyjnë pa asnjë detyrim në faqen time të fejsbukut, ku po u pëlqeu rrinë po s’u pëlqeu ikin