Paketa Antishpifje/ “Venecia” te Presidenti, Meta: Media nën kontroll politik cenon…

Delegacioni i Komisionit të Venecias u njoh sot nga Presidenti i Republikës, me argumentat e tij ligjorë dhe kushtetutes për rikthimin në Parlament të “Paketës Antishpifje” dhe alarmin që ngre Ilir Meta nëse media vendoset nën kontroll politik.

“Liria e shprehjes, liria e medias dhe e drejta e informimit, përveç se janë të drejta themelore kushtetuese, janë të lidhura ngushtë me parimin e ndërtimit dhe funksionimit të një shteti demokratik,” tha Ilir Meta duke folur edhe për rrezikun e vënien nën kontroll të mediave”

“Pavarësia e pushtetit të medias është thelbi i funksionimit dhe mbarëvajtjes së shtetit të së drejtës. Nëse cenohet liria e shprehjes dhe e shtypit, dhe media vendoset nën kontroll politik, atëherë është cenuar dhe rendi i lirë dhe kushtetues, me pasoja direkte dhe shumë të rënda për të ardhmen europiane të Shqipërisë.”

Dhe jo vetëm kaq! Presidenti Ilir Meta vuri në dukje se hyrja në fuqi e ndryshimeve ligjore të miratuara nga qeveria do të përkeqësonte besueshmërinë e Shqipërisë si vend demokratik dhe shtet i së drejtës.

“Çdo nisëm ligjore që cenon të drejtën e fjalës së lirë, nuk është gjë tjetër vetëm një shkelje e hapur e gjithë parimeve kushtetuese demokratike. Hyrja në fuqi e ndryshimeve ligjore të miratuara nga qeveria do të përkeqësonte besueshmërinë e Shqipërisë, si një vend demokratik dhe i shtetit të së drejtës, si dhe të cenonte drejtpërdrejt procesin e integrimit të shpejtë të vendit në Europën e Bashkuar”.