Paketa e Zgjeruar, Edi Rama: 40 mijë lekë për 176 mijë individë dhe biznese

Kryeministri Edi Rama prezantoi Paketën e Zgjeruar të masave e cila parashikon ndihmë financiare me vlere 70 milionë dollarë për 176 mijë përfitues. Kështu, 40 mijë lekë duke filluar nga 20 Prilli do të përfitojnë 10 mijë të punësuar në turizëm, 66 mijë të punësuar te biznesi i madh dhe 100 mijë të punësuar te biznesi i vogël.

“Është pagesë e vetme dhe përmbledh disa kategori: 10 mijë punonjës turizmi, 66 mijë punonjës që janë larguar pezulluar nga biznesi i madh, 100 mijë punonjës në bizneset e vogla që kanë punuar me xhiro minimale për shkak të goditjes indirekte dhe nuk përfituan nga paketa e parë.

Për kategorinë e 100 mijë qytetarëve ne vëmë në dispozicion 40 milionë dollar dhe cdo individi në këtë kategori do t’i japim 400 mijë lekë. Po kështu për punonjësit që kanë humbur punën, do vëmë në dispoziocion 26 milionë dollar, ku do marrin nga 400 mijë lekë.

Në listën e individëve që do të ndihmohen janë dhe 10 mijë punonjës në sektorin e turzmit, që do të marrin 400 mijë lekë, për këto japim 4 milionë dollarë të tjera.

Në total 70 milionë dollar. Është një shumë e konsiderueshme, e cila iu shkon të gjithë atyre që e kanë të nevojshme sot të ndjehen të mbështetur,” tha Edi Rama ndërsa sqaroi se turizmi, bizneset fasone dhe ato prodhuese do të mund të përfitojnë nga një garanci e re sovrane prej 150 milionë dollarësh si edhe do të mund të shtyjnë afatin e pagesës së tatim-fitimit deri pas 31 dhjetorit.

“Instrument i ri financiar për turizmin, fasonët dhe bizneset prodhuese është një tjetër garanci sovrane 150 milionë dollarë që do të vihet në dispozicion, por do të ketë një ndarje risku mes qeverisë dhe bankave. Nga ana tjetër duke u kthyer tek instrumenti i garancisë gjithmonë duke parë dinamikën, duke përcaktuar qëndrueshmërinë, pra ne kemi vendosur që qeveria të marrë përsipër koston e interest për kreditë, të gjitha sipërmarrjet pagesat e kësteve të tatim fitimit do të mund t’i bëjnë pas 30 shtatorit, ndërsa turizmi, fasonët dhe bizneset prodhuese do të kenë një shtyrje pas 31 dhjetorit. Kjo paketë miratohet në 48 orët në vijim. Shumat përkatëse do të lëvrohen në 20 prill.”

Në fund Kryeministri Edi Rama saktësoi se kjo është një ndihmë për 40- ditëshin e ardhshëm të luftës teksa paralajmëron edhe një paketë të tretë mes 20- 25 majit duke parë ecurinë në luftën kundër COVID_19 sa i përket humbjeve të jetëve si dhe ekonomike.

”Paketa e parë na ndihmoi në zbutjen e dhmbjeve të atyre që u prekën menjëherë. Ato që u mbyllën me urdhër të qeverisë bizneset, dyqane dhe pensionistët. Ndihma ekonomike u dyfishua. Atyre të biznesit të vogël ju akordua një ndihmë. Pensionistëve ju rrit pensioni. Mbështetja nuk do të mbaronte aty. Mbasi kemi ndjekur me vëmendje dinamikën në luftën për jetën edhe ekonomisë tani është momenti ta zgjerojmë. Plot të tjerë janë goditur drejtpërdrejt dhe me të drejtë kërkojnë dhe meritojnë ndihmë. Goditjet kanë qenë valë valë, por kjo paketë e zgjeruar do të mbështesë plot 176 mijë të tjerë individë dhe familje.

Të cilët e thashë nuk janë goditur të njëjtën kohë dhe nuk i përkasin të njëjtën kategori. Por do i japim mjetin financiar për t’ja lethësuar 40 ditëshin vendimtar deri në fund të majit.

Pse deri në fund të majit? Sepse mendojmë se duke mbajtur fort zinxhirin e solidaritetit do të ulim kurbën dhe do lëvizim jashtë perimetrit duke mundësuar kthimin në punë në kushte strikte. Ata që do përfitojnë nga kjo paketë. Ne jemi gati për paketën e tretë mes datave 20- 25 maj duke parë dinamikën dhe do jemi në gjendje t’i gjejmë mundësintë t’i jemi në mbështetje atyre që nuk kanë mundësi të dalin nga perimetri. Pra të rezistojnë pa makthin e zbrazjes së plotë të arkës së familjes.”