Palmer në Kosovë, pritet nga Ambasadori Kosnett

Zv/Ndihmës Sekretari i Shtetit për Evropë dhe Euroazi dhe Përfaqësues special për Ballkanin Perëndimor, Matthew Palmer fillon vizitën e tij tre ditore në Kosovë me takimin me Ambasadorin e SHBA në Prishtinë, Philip Kosnett.

Arritjen e Zv/Ndihmës Sekretarit të Shtetit e ka bërë të ditur Ambasada amerikane përmes një njoftimi në Twitter.

“Ambasadori Kosnett mirëpriti këtë mëngjes në ambasadë, zëvendësndihmës sekretarin Matthew Palmer për një vizitë tre ditore në Kosovë, ku do të diskutoj me zyrtarë e institucioneve të Kosovës, për sfidat, mundësitë dhe dhe çështjet tjera me të cilat ballafaqohet Kosova,” thuhet në njoftimin e Ambasadës së SHBA.

Rastësi ose jo, sot dhe nesër në Kosovë do të qëndrojnë edhe Përfaqësuesit Special i BE-së për dialogun Kosovë-Serbi, Mirosllav Lajçak.