Paloka: Me Ramën u tall edhe BBC, mund të dalë edhe lakuriq që njerëzit të merren me hallatet e tij…

Nënkryetari i PD-së, Edi Paloka, përmes një komenti në rrjetet sociale, shprehet se Kryeministri Edi Rama është gati të dalë edhe lakuriq, që njerëzit të merren me hallatet e tij dhe jo me të zezat që iu bën prej 20 vitesh.

Paloka, referuar marrëveshjes mes Ramës dhe Tsipras, shkruan se ka një mungesë të plotë transparence, ndërkohë që burimet e tjera japin lajme tronditëse për akte që nuk mund të quhen ndryshe përveçse tradhëti kombëtare.

Komenti i Edi Palokës

Kur BBC tallet me kryeministrin e Shqipërisë , sigurisht nuk është momenti të brohorasësh “O sa mirë me qen shqiptar”. Por që ne vazhdojmë dhe merremi me atletet e Ramës, kjo është tallje që i bëjmë vetes.

Ai është gati të dal dhe lakuriq që shqiptarët të merren me hallatet e tij e jo me të zezat që ju bën prej 20 vjetësh që është me pushtet.

Në mungesë të plotë transparence, nuk jepet asnjë informacion zyrtar për marrëveshjen që ka bërë me Tsipras, ndërkohë që burimet e tjera japin lajme tronditëse për akte që nuk mund të quhen ndryshe përveçse tradhëti kombëtare.

Po ne merremi me atletet dhe fytyrën prej idioti që i nxjerr BBC…