Paloka: Rama gati të shkatërrojë Shqipërinë, vetëm karrigia mos t’i preket

Nënkryetari demokrat i Kuvendit, Edi Paloka, përmes një komenti në rrjetet sociale, shprehet se Kryeministri Edi Rama është gati të shesë dhe shkatërrojë Shqipërinë vetëm që të mos i preket karrigia dhe xhepi i tij. Paloka shkruan se Rama është gati të ofrojë Shqipërinë për armë kimike dhe plehra toksike, për kampe refugjatë apo të mbushë vendin me terroristë, por nuk ëhstë gati kurrësesi të dorëzojë Sajmir Tahirin dhe Fatmir Xhafajn, nuk është gati të bëjë reformën zgjedhore dhe as drejtësi të pavarur.

Komenti i Edi Paloka

“Jam gati te bej gjithshka per negociatat”, thotë Rama

Në fakt ështeë gati të bëjë gjithshka përveç atyre që i kërkojneë të bëjë.

Për të ështeë më e lehtë të ngrej kampe e të mbushi vendin me terroristë apo me refugjatë se sa të dorëzojeë Tahirin dhe Xhafajn.

Është gati teë vetëofrohet ( të ofroje Shqipeërinë në fakt) për armë kimike dhe plehra toksike po nuk është gati teë ndalë krimin e organizuar dhe trafikun e drogës.

Fal detin dhe naftën e shqiptarëve po nuk heq dot doreë nga koncesionaret dhe oligarkeët e tij.

Merr përsipër të dënojë me kthim në mjerimin e “rilindjes” të qindramijë shqiptarëve që sot janë të detyruar të kërkojnë shpresën nëpër Evropë, por nuk merr përsipër të bëjë reformë zgjedhore e as drejtësi të pavarur që t’ju jap shqiptarëve të drejtën të zgjedhin lirisht ata që duan ti qeverisin .

Me pak fjalë, vetëofrohet dhe është gati ta shesë e shkatrroje këtë vend pa u menduar dy herë vetëm që mos i preket karrigia dhe xhepi i tij.

Po sigurisht që edhe për këto “fajin e ka opozita”…!!!