Paloka: Siguria në kulmin e sezonit turistik katastrofë, policia ka prioritet…
Edi Paloka, Nënkryetar i PD-së, përmes një postimi në rrjet shprehet se siguria publike në kulmin e sezonit turistik është katastrofë.
Sipas Palokës, kjo ndodh sepse policia nuk ka prioritet sigurinë e qytetarëve, por është e angazhuar në përcjelljen e tonelatave të drogës dhe krijimin e alibive për krimet qeveritare.
Postimi i Edi Palokës
Siguria publike, në pikun e sezonit turistik , katastrofë.
Brenda një dite , vetëm dje, lajme që ngjallin trishtim; familje që jane nisur të gjejnë qetësinë në pushime po përfundojnë viktima të aksidenteve; pushues që humbin jetën në det ; në mes të lokalit të mbushur edhe me turistë të huaj, kërcet pushka…
Policia bën deklarate “nuk ka asnje të lënduar”!!!
Sigurisht sepse policia nuk ka prioritet qytetarët .Policia e Agron Xhafajt është e angazhuar të përcjellë tonelatat e drogës drejt bregut tjetër. Është e angazhuar të krijoje alibitë për krimet qeveritare .
Policisë nuk i intereson jeta dhe siguria e qytetarëve , përkundrazi , ata janë kthyer në rrezikun e qytetarëve duke u vënë në shërbim të mafies në pushtet.
