Panair/ Artizanët shqiptarë në Kalanë e Tiranës

Panairi i Artizanatit ka mbledhur në Kalanë e Tiranës mjeshtërit më të mirë nga Prizreni dhe krahinat tjera shqiptare.

Në panair spikat larmia e produkteve, materialet e përdorura, gjeografia dhe rizgjimi i traditës .

Panairi i përbashkët i artizanëve shqiptarë në Kalanë e Tiranës i cili ka për qëllim promovimin e vlerave kulturore përmes punimeve të tyre karakteristike, sjellë dhe një panoramë të bukur dhe të mbushur përplotë me mjeshtëri dhe emocione.

Prodhimtaria e herëshme e qelesheve, llullave, punimeve në gur-alabastër e materialeve të çmuar, argjent si dhe në bakër, që sot realizohet nga mjeshtrat e prodhimit të kostumeve popullore shqiptare për të rritur dhe fëmijë, janë pjesë të këtij Panairi.

Ashtu si dhe prodhimet e leshit si çanta, rrugica, e banda si dhe prodhimet e kutive prej ari e argjendi që përdorin gratë e vajzat për mbajtjen e stolive, të unazave, vareseve; Prodhimet prej ari e alabastër, të llullave prej druri shqope, etj. mund ti gjeni në Panairin e artizanëve në Kalanë e Tiranës.

Punimet në dru, hekur, bakër, alabastër, në materiale të çmuara ari dhe argjendi, lëkure, leshi, etj. që veç të tjerash janë dëshmi edhe e identitetit tonë kombëta, qytetarët kanë rastin ti shohin në Panairin e përbashkët të artizanëve shqiptarë në Kalanë e Tiranës, më 10, 11 dhe 12 Shtator.