Panairi i Librit/ Ndahen çmimet e letërsisë, ja fituesit…

Në Panairin e 21 të Librit “Tirana 2018”, i cili po zhvillohet në Pallatin e Kongreseve, janë ndarë çmimet e letërsisë.

Për përzgjedhjen e çmimeve janë lexuar në total 131 vepra, në të cilat 50 për qind janë autorë shqiptarë dhe 50 për qind autorë të huaj.

Çmimi i karrierës ka shkuar për shkrimtarin Kim Mehmetin, për romanin e tij “Pusi”;

Çmimi i krijimtarisë më të mirë të vitit ka shkuar për Brajan Sukaj me romanin “Ciklopi”;

Çmimi për përkthimin më të mirë, i takoi Donika Omarit për romanin “Nga ana e princeshës së vdekur”;

Çmimi inkurajues, i është dhënë dy shkrimtarëve, Iva Nikolli dhe  Flogerta Krypi, respektivisht me veprat “Vetëm për ty” dhe “Gjithçka rreth asgjësë”.

Çmimi special  i ka takuar Zef Skiro Di Maxho për “Poema Arbëreshe”.

Çmimin për shqipërim të veprës e ka fituar Ilia Lëngu, për përkthimin nga frëngjishtja të veprës frënge “Të drejtët” nga Albert Camy.

Edicioni i 21-të i Panairit të Librit është çelur më 14 nëntorë, ku janë ekspozuar rreth 200 tituj të rinj nga 100 shtëpi botuese.