“Panairi i të çmendurëve”, jo vetëm Aleksandar Vuçiç u mbështjell me flamurin e krimit
“Performancë panairi, e turpshme dhe përçmuese. Folklor i mjerë dedikuar opinionit vendas, për mbuluar dështimin e politikës së jashtme. Flamuri është simbol i dinjitetit, dhe jo mantel për mbulimin e turpit. Ditë të zeza po vijnë”
Kështu ekspertë të politikës dhe komunikimit komentuan për të përditshmen serbe “Danas”, shfaqjen e ministrave të qeverisë së Serbisë të mbështjell me flamurin shtetëror, kur nga Presidenca po shikonin mbledhjen e Asamblesë së Përgjithshme të OKB-së ku pritej të miratohej Rezoluta për Srebrenicës, si dhe selfiet e përbashkëta që i bënë pasi u votua Rezoluta ndërsa Presidenti i tyre, Aleksandar Vuçiç poashtu i mbështjell me flamurin e krimit, po e luante njeriun e stresuar në pritje të votimit.
Por, siç duket ekspertët janë më të kujdesshëm se sa komentet që përmbytën rrjetet sociale me reagimin e ashpër në keqpërdorimin e simboleve shtetërore.
“Panairi i të çmendurëve”, “Profesioni këtu heshti, kapacitetet janë të kufizuara”, janë disa nga komentet më të përmabjtura në rrjetin social, ku qytetarët vërejnë mungesën e interesimit të Zv/Kryeministrit Aleksandar Vulin deri sa në New York “po merret vendimi fatal për botën e tij serbe dhe mbrohet reputacioni jonë” ndërsa për ministri i Brendshëm, Ivica Daçiç shkruante mesazhe “deri sa presidenti po shkatërrohet në New York”.
“Kjo është një shfaqje e planifikuar për ata me biletat me çmim të lirë, që janë çmendur me themel dhe janë shkatërruar emocionalisht, dhe nuk janë në gjendje të kuptojnë përmasat e hipokrizisë qiellore, cinizmit dhe arrogancës së regjimit të Vuçiçit,” vlerëson gazetari Nedim Sejdinoviç ndërsa profesoresha Bilana Stojkoviç thotë se kjo është një shfaqje panairi e turpshme dhe përçmuese.
“Në shfaqjen e Vuçiçit çdo demonstrim i të ashtuquajturit patriotizëm merr elemente të banalitetit dhe cirkut, sepse është një pikturë e thjeshtë pa kurrfarë përmbajtje. Substanca e akteve patriotike duhet ti shërbente përparimit të shoqërisë në kuptimin etik, social dhe statutor në bashkësinë ndërkombëtare. Por ky qëllim është flagrant dhe në asnjë mënyrë patriotik, me një qëllim të thjeshtë, ruajtjen e pushtetit të një njeriu të vetëm,” vlerëson profesoresha e njohur serbe e cila prezantimin e Serbisë në Asamblenë e Përgjitshme të OKB e konsideron si një degradim të themelit të shoqërisë vetëm që një person imoral si Vuçiçi të qeverisë dhe nuk sheh një trend që mund ta kthej nga rruga me këtë regjim ndërsa përfundon:
“Tek ai nuk ka material për një shtetar të përgjegjshëm. Për atë duhet të thuhet se është i gatshëm të qeverisë edhe në hirin e shtetit!”
Lideri i “Fytyrës së re”, Milosh Parandiloviç, vlerëson se fotografia e anëtarëve të qeverisë të mbështjellur me flamur që u transmetua në botë ishte një folklor i mjerë, ndërsa opinionit vendor iu prezantua Presidenti i Serbisë si viktimë.
Anëtarët e qeverisë dhe Presidenti i mbështjellë me flamur në OKB ishte një performansë me të cilën u tall e gjithë bota ndërsa çdo njeri që e konsideron veten serb është ndjerë i përçmuar, i mjerë dhe i trishtuar, thekson Parandiloviç duke përfunduar:
“Epilogi i politikës së Vuçiçit është një humbje e pastër e cila përmes mediave që ka nën kontroll po prezantohet si fitore. Shpurra e SNS që u rritë në krah të Sheshelit, përgjithmonë e ka shkatërruar financiarisht, moralisht dhe shpirtërisht këtë vend, dhe na kanë vjedhur një shekull të tërë.”
Në fund, lideri i PSG, Pavle Grboviç tha se flamuri duhet të jetë simbol i dinjitetit, por jo mbështjellës për të mbuluar turpet dhe humbjet ndërsa rikujton se kështu kanë vepruar dhe me krimet e viteve ’90 në emër të Serbisë së Madhe .
“Ashtu siç u munduan që përgjegjësinë politike për zbatimin e ideologjisë ‘Serbia e Madhe’ që nxiti krime të shumëta gjatë viteve ’90 t’ia hedhin popullit duke ia nënshtruar tezën mbi ‘përgjegjësinë kolektive’, ashtu edhe tani humbjet e tyre po mundohen ti fshehin duke u mbështjell me flamur.”
