Pancerat nën presion, ja 4 skenarët për Botërorin

Pas fitores së Suedisë ndaj Koresë së Jugut, gjendja në kampin e Gjermanisë është alarmante.

Në rast të një tjetër disfate të gjermanëve ndaj Suedisë të shtunën në ora 20:00 në Sochi, kampioni aktual i botës do të ishte i eliminuar qysh në fazën grupore në rast të katër skenareve të ndryshme.

Skenari 1:

Nëse Meksika mposht Korenë e Jugut dhe Suedia mposht Gjermaninë. Meksika dhe Suedia do të kishin nga gjashtë pikë dhe dyjat do të ishin në 1/8-ën e finales.

Skenari 2:

Meksika merr barazimin. Më pas Suedia me një fitore do të kishte gjashtë pikë dhe do të ishte sigurt në 1/8-ën e finales. Meksika në atë rast do të kishte katër pikë dhe do të mund të arrihej nga Korea e Jugut, por jo nga gjermanët që do të ishin pa pikë dhe të eliminuar.

Skenari 3:

Gjermania barazon me Suedinë dhe pavarësisht nga rezultati i ndeshjes Meksikë – Kore e Jugut do të mund të arrinte fazën tjetër. Por, nëse Meksika fiton ndaj Koresë së Jugut, atëherë Gjermania edhe në rast të fitores në ndeshjen e fundit ndaj Koresë së Jugut do të kishte nevojë për ndihmën e latino-amerikaneve në sfidën e tyre të fundit ndaj Suedisë. Në rast të barazimit në këtë situatë të Meksikës dhe Suedisë, ose fitoreje të Suedisë, Gjermania do të ishte e eliminuar.

Skenari 4:

Nëse Gjermania fiton ndaj Suedisë, kualifikimi në fazën tjetër do të jetë në dorë të vet Gjermanisë në ndeshjen e fundit ndaj Koresë së Jugut.