Panik në Tiranë, EMSC: Tërmetet nuk mund të parashikohen

Qendra Mesdhetare Sizmiologjike, EMSC, pas panikut që shkaktoi në Tiranë një lajm i përhapur nga portalet që drejtohen nga çobanë dhe jo gazetar, duke konfirmuar se nuk është e mundur të parashikohen tërmetet dhe bën thirrje për qetësi.

“U themi miqve tanë në Shqipëri se gjasat janë që këto ditë të keni dëgjuar ose të dëgjoni njerëz që thonë se e kishin parashikuar tërmetin e djeshëm. Mos i dëgjoni: parashikimi i tërmeteve NUK MUND TË BËHET. Qofshi të sigurt,” thekson EMSC

Ndërkohë ka reaguar edhe Ministria e Mbrojtjes, duke bërë thirrje për qetësi ndërsa sqaroi se termetet nuk parashikohen.

“Prej disa minutash qarkullon ne disa portale dhe rrjete sociale nje lajm i rreme mbi parashikimin e nje termeti me permasa, ne oren 23.30. I bejme thirrje te gjithe qytetareve, te mos bien pre e njoftimeve te tilla keqedashese dhe perhapese paniku pasi nuk ka asnje parashikim te tille shkencor nga asnje institucion shkencor,” thekson Ministria e Mbrojtjes në sqarimin e saj.

Por lajmi rremë tek shqiptarët kishte marrë përmasa shumë të mëdha ku makinat kishin vërshuar autostradat.

Reagoi dhe vetë Ministria e Mbrojtjes, Olta Xhaçka e shoqëruar nga sizmiologu Llambro Duni. Xhaçka tha se autori i lajmit të rremë se një tërmet i fortë do të bjerë në orën 23:30 do të dënohet me burg.

“Do bëjmë çmos që ata që e përhapën këtë lajm të mbajnë përgjegjësi dhe përgjegjësia është burg. Nuk do të lëmë gurë pa lëvizur derisa të zbulojmë autorët,” u shpreh Ministrja Xhaçka ndërsa sizmiologu Llambro Duni i bëri thirrje të kthehen nëpër banesat e tyre.

“Ftoj banorët e Tiranës që të ruajnë qetësinë dhe të kthehen në shtëpitë e tyre. Sepse lajmet që janë përhapur janë të pavërteta. Nuk ka asgjë për tu shqetësuar. Por përsërisim që shkenca e sizmiologjisë nuk është në gjëndje të parashikojë se kur dhe ku do të ndodhin. Nuk ka vend për panik dhe për të menduar se do të ketë ngjarje të fuqishme. Ngjarja e fuqishme ishte ajo që ishte.”