Papa pret në audiencë Presidentin e shtetit të Palestinës

Ndalimi i konfliktit në Gaza dhe zgjidhja me dy shtete, ishte mesazhi i Papa Leonit XIV në audiencë me Presidentin e Shtetit të Palestinës në Vatikan, Mahmoud Abbas.

Kjo, raporton Vaticannews, është Audienca e parë mes Papa Leonit XIV dhe Presidentit të Shtetit të Palestinës në Vatikan, në kuadër të udhëtimit të planifikuar prej kohësh të liderit palestinez në Itali.

Në bisedën private, u theksua urgjenca për të ofruar ndihmë për popullsinë civile të Gazës. Më pas u kujtua 10-vjetori i Marrëveshjes Globale mes Selisë së Shenjtë dhe Shtetit të Palestinës, e nënshkruar në qershor 2015.