Para Bashkisë Tiranë, Teliti: Protesta deri në dorëheqjen e Erion Veliajt!

Nënkryetari i Këshillit të Bashkisë Tiranë, Dorjan Teliti, e bëri të qartë sot në protestën para çerdhes së hajdutëve Edi Rama dhe Erion Veliaj se do të vazhdojnë rezistencën deri në dorëheqjen e Veliajt dhe rrëzimin e kësaj qeverie.

Duke sqaruar se pse u përjashtuan dje këshilltarët nga mbledhja e Këshillit Bashkiak, Nënkryetari i Këshillit folir për çerdhen e hajdutëve që maskohet me flamurin kombëtar.

“Në fasadë kanë vënë Flamurin Kombëtar, por brenda është një çerdhe hajdutësh. Dje vodhën edhe 80 milionë euro, dhe për çfarë, për të siguruar gjoja ujë 24 orë për qytetarët e Tiranës. Po a e rriten çmimin para 8 vitesh me 44 përqind pikërisht që të këtë ujë 24 orë. Ku i çuan paratë? Paratë i vodhën,” tha Dorian Teliti duke denoncuar vjedhjet në Bashkinë Tiranë jo vetëm me 5 drejtorët:

“Siç u pa me 5 drejtorët e tij që bënë tendera me ujësjellësit duke marrë miliona e miliona euro, duke i vjedhur ato 100 përqind në xhepat e tyre. Çfarë bëmë dje, ndonëse unë i dua kafshët, zyrtarizuam por nuk mund të pranoj që një fëmijë të marrë më pak ndihmë ushqimore se sa një kafshë e kopshtit zoologjik. Nuk e pranoj dot jo. Nuk pranoj që fëmijët e Tiranës të marrin ndihmë ekonomike  15-20 mijë leke në muaj, ndërkohë që për kafshët e kopshtit zoologjik paguhet dy apo tre herë më shumë.

S’e pranoj dot ndonëse kafshët i dua, por njeriu është mbi të gjitha. Dhe këta këtu janë për të qeverisur Tiranën dhe njerëzit dhe jo për të vjedhur, jo për të trajtuar njerëzit më keq se sa kafshët. Kjo është fytyra e vërtetë e Bashkisë së Tiranës që në fasada ka Flamurin Kombëtar, por derën e saj e ka të mbyllur me zinxhirin e korrupsionit,” tha Nënkryetari i Këshillit të Bashkisë Tiranë, Dorian Teliti, duke garantuar hajdutët e Bashkisë Tiranë se do të vazhdojnë të protestojnë:

“Ne do të vazhdojmë deri në dorëheqjen e Veliajt. Shqipëria nuk duhet të vazhdojë të vidhet më. Ne do të vazhdojmë të rezistojmë deri në fitore. Do të qëndrojmë këtu, deri në fitore. Risillni dritat, horrat, banditët do të jenë ata që do të largohen. Shqiptarë, duhet të rezistojmë dhe fitore, e vetëm fitore!”

Ndryshe, edhe sot nuk munguan provokimet nga Policia e Shtetit që përshkallëzoi dhe mbarëvajtjen e protestës duke degraduar në një përplasje të panevojshme krahasuar dhe me numrin e madh të policëve që kishte mobilizuar shteti i policisë.