Para Kryeministrisë/ Protestë kundër ndërtimit të HEC-eve

Pjesëtarë të shoqërisë civile dhe qytetarë kanë protestuar sot përpara Kryeministrisë, kundër ndërtimit të hidrocentraleve në lumenjtë e vendit.

Protestuesit duke bërë thirrje kundër ndërtimit te HEC-eve, mbanin në duar pankarta si “uji është jetë mos na e merrni”, “Ndal HEC-et në Valbonë”etj. 

‘’Askush nuk na ka pyetur për mendimin tonë, nuk do të lejojmë ndërtimin e HEC-eve në vendin tonë”, shprehet një prej protestuesve ndërsa një tjetër shton:

“Kemi bërë protesta në fshatra, dhe askush nuk na ka dëgjuar, ne ju themi mjaft këtyre lubive, që kërkojnë të na thajnë lumenjtë dhe të na lënë pa jetë.”

Me ndërtimin e këtyre HEC-eve, sipas protestuesëve shumë njerëz rrezikojnë të humbasin shtëpitë e tyre, tokat bujqësore e ujin e pijshëm.

Protesta të ngjashme janë parashikuar të organizohen në të gjithë Ballkanin deri më 16 korrik.