Para në këmbim të votës, arrestohet Kandidati për deputet i LSI në zgjedhjet e 25 prillit

Arrestohet kandidati për deputet i LSI në zgjedhjet e 25 qershorit, Etion Joka, i akuzuar për korrupsion aktiv në zgjedhje. Kandidati për deputet i LSI u shpall në kërkim pasi dosja i kaloi SPAK ndërsa ishte shfaqur në një video duke dhënë para në këmbim të votës.

“Nga specialistët për Hetimin e Korrupsionit u bë ekzekutimi i vendimit penal, për shtetasin E. J, 32 vjeç, pasi Gjykata e Posaçme Kundër Korrupsionit dhe Krimit të Organizuar, ka caktuar në mungesë masën e sigurisë “Arrest në burg”, për veprën penale “Korrupsioni aktiv në zgjedhje”,” thuhet në njoftimin e Policisë së Shtetit.