Para Parlamentit, Berisha: Më 12 mars, Shqipëria kërkon dorëheqjen e Edi Ramës!
Pas paralajmërimit të Kryetarit të Grupit Parlamentar, Taulant Balla, se në seancën plenare të 12 Marsit do të votohet për imunitetin e Belinda Ballukut, Kryetari i Partisë Demokratike, Sali Berisha, ka konfirmuar se po në 12 Mars opozita organizon një protestë kombëtare para Parlamentit.
“Më 12 mars, Shqipëria vjen këtu për të kërkuar dorëheqjen e Edi Ramës. Ju lutem ju, transmetoni, përcilleni objektin e protestës. Protesta është për dorëheqjen e Edi Ramës,” tha Sali Berisha duke përfunduar:
“Shqiptarët mblidhen më 12 mars për të kërkuar dorëheqjen e Edi Ramës dhe çdo protestë do ketë vetëm një motiv, largimin, dorëheqjen e Edi Ramës.”
Ndryshe, Kryetari i Grupit Parlamentar të Partisë Socialiste, Taulant Balla, konfirmoi sot nga foltorja e parlamentit se dy raportet e Këshillit të Mandateve lidhur me imunitetin e Ish-Zv/Kryeministres Belinda Balluku do të votohen në seancën plenare të 12 marsit.
“Bie poshtë pretendimi i PD-së se po shkelen afatet, sepse afati dyjavor është përpara datës së përfundimit të afatit të shqyrtimit që është data 17 mars. Sqaroj publikun se sapo të jetë gati, brenda këtij afati, në seancën e parë plenare që është seanca e ditës së enjte, 12 mars, natyrshëm do të jenë gati dy raportet,” tha Taulant Balla.
Heqja e imunitetit të Belinda Ballukut është kërkuar nga Prokuroria e Posaçme në 16 dhjetor 2025, duke dhënë dhe dëshmi para Këshillit për Rregulloren, Mandatet dhe Imunitetin për veprat që ajo rrezikon 35 vjet burg për krimet e kryera dhe intimidimin e dëshmitarëve, ndërkohë ka reaguar Bashkimi Europian duke kërkuar shqyrtimin pa vonesë të SPAK-ut për autorizimin e arrestimit të Ballukut,
