Para Parlamentit/ Flet Lulzim Basha, irritohet Ish-Gjeneral Sandër Lleshaj dhe i prenë fjalën me gaz lotsjellës
Dhuna e Ish-Gjeneral Sandër Lleshaj ka tejkaluar edhe dozën ushtarake që ai aplikon në Policinë e Shtetit duke u bërë komike. Në kohën që po fliste kryetari i Partisë Demokratike, Lulzim Basha, para Parlamentit filloi një rebesh bombash me gaz lotsjellës kur nuk kishte njeri as para traut të Parlamentit të Shqipërisë e lëre me kordonit të policisë.
Po çfarë tha Lulzim Basha që irritoi Ish-Gjeneral Sandër Lleshajn dhe shefin e tij Edi Rama që nxituan më pas të arsyetohen për rebeshin e bombave që hedhin mbi këtë zonë ku po fliste lideri I opozitës:
“Protesta vijon siç e vendosin qytetarët. Qëllimi i kësaj proteste dhe çdo proteste tjetër është të arrijë objektivin kombëtar, largimin e Edi Ramës, një qeveri tranzitore dhe zgjedhje të lira dhe të ndershme. Dhënies fund të Republikës së Krimit dhe rikthimin e sovranitetit tek populli shqiptar.
Rrugë tjetër përveç largimit të Edi Ramës nuk ka për të pasur. Kjo protestë e 9-ta në 8 javë dhe sa vjen dhe rriten. Sa më shumë shqiptarë bashkohen aq më larg ikën Edi Rama,” tha Kryetari I Partisë Demokratike, Lulzim Basha dhe të gjithë ata që ishin afër tij sëbashku me gazetarë dhe operator që po e transmetonin drejtëpërdrejtë fjalën e tij pësuan nga gazi lotsjellës I Ish-Gjeneral Sandër Lleshajt. E ky I fundit nxitoi të reagoi duke bërë të ditur se janë pesë efektivë të policisë që janë plagosur, për tu shoqëruar më pas me reagimin e shefit të tij, Edi Rama.
