Para se të humbasin jetët, Kurti: Thirrje Serbisë të ndërpresë nxitjet për dhunë!
Pas sulmit të mbrëmshëm me dy granata dore në veri të Mitrovicës, Kryeministri Albin Kurti ka reaguar duke i bërë thirrje Serbisë që të ndërpresë nxitjet për dhunë para se të humbasin jetët
“Mbrëmë ndërtesa e komunës në Mitrovicën e Veriut është sulmuar nga 2 granata dore, duke shkaktuar dëme në veturat e afërta. Fatmirësisht asnjë person nuk u lëndua, por mund të kishte ndodhur lehtësisht,” tha Albin Kurti në reagimine tij përmes rrjetit social Twitter duke bërë thirrje për qetës.
“I bëj thirrje Serbisë që menjëherë të ndërpresë nxitjet për dhunë para se të humbasin jetët.”
Ndryshe, mbrëmë pak para mesnatës në oborrin e ndërtesës së Komunës në veri të Mitrovicës kanë ndodhur dy shpërthime, ku janë dëmtuar dy vetura të policisë.
