Para strofullës së hajdutëve, Berisha: Nuk po mbroni vithet e Belindës, por Edi Ramën!
Duke e cilësuar Parlamentin si strofullën e hajdutëve, Kryetari i Partisë Demokratike, Sali Berisha, tha se nuk po mbrohen vithet e Belindës, por Edi Rama.
“Të dashur qytetarë dhe qytetare, siç e shihni, parlamenti është strofulla e mbrojtjes së hajdutëve.
Këta që janë pas shpinës sime, edhe këta të këtij krahu, janë të gjithë maska e Lubisë dhe Edi Ramës.
Këta janë maska.
Kurrë ndonjëherë të dashur qytetarë nuk keni pasur në këtë sallë një grup njerëzish, të cilët shkelmojnë mbi interesat tuaja jetike për të mbrojtur, më falni, në pamje të parë vithet e Belindës, në të vërtetë Edi Ramën,” tha Sali Berisha para fillimit të seancës plenare duke u bërë thirrje qytetarëve se 20 shkurti është dita e tyre!
“Ata janë të tmerruar, ju e shihni që 10 shkurti ua ka luajtur fiqirin këtyre dhe këta nuk dinë se ku janë dhe ccfarë flasin.
E vërteta është që ky parlament është në shkelje të rëndë të Kushtetutës, jo vetëm se vjen nga vota e vjedhur, por edhe sepse është shndërruar në mburojë të vjedhjes së qytetarëve.
Është shndërruar në strofullën e fundit të hajdutëve shtetërore.
Dhe faktikisht po bëhet mburojë për vjedhjet e Edi Ramës, Lubi Ballukut dhe ministrave të tjera.
I mbetet sovranit, u mbetet qytetarëve të thonë fjalën e tyre për imunitetet e Edi Ramës, Lubi Ballukut dhe hajdutëve të tjerë, të cilët kanë borxhe miliarda euro të vjedhura ndaj qytetarëve,” tha Kryetari i PD, Sali Berisha, duke bërë thirrje:
“Unë sot shfrytëzoj rastin edhe njëherë t’u bëj thirrje qytetarëve, 20 shkurti është dita e tyre, ky parlament është armik i egër i qytetarëve, i qenies së tyre. Ky parlament është armik i egër i qytetarëve, i qenies së tyre. Ky përdoret tani, pas dështimit në Gjykatë Kushtetuese, Edi Rama ka shndërruar parlamentin në mburojë kryesore të krimeve të tij të shëmtuara.
Qytetarë dhe qytetare, jeni ju dhe vetëm ju ata që do rivendosni Kushtetutën dhe ligjin në këtë vend.”
Ndryshe, Partia Socialiste në pushtet vazhdon të kundërshton heqjen e imunitetin të kërkuar nga SPAK, deri më sot me arsyetimin se është pritje të Vendimit të Gjykatës Kushtetuese lidhur me pezullimin nga detyra të Zv/Kryeministres dhe ministres së Infrastrukturës, Belinda Balluku, dhe sot kur Vendimi nuk i pëqlen Edi Ramës ai thotë se do të ndryshoj legjislacionin e sa për autorizimin për arrestimin e Ballukut as që bëhet fjalë.
Ndryshe, pas një seance maratonë prej gati 11 orësh, Gjykata Kushtetuese me 4 vota pro dhe 4 kundër vendosi mbrëmjen e së premtes të rrëzojë kërkesën e kryeministrit Edi Rama, i cili kërkonte shpalljen antikushtetues të vendimit të GJKKO për pezullimin nga detyra Belinda Ballukun, e akuzuar për tenderat abuzive me tunelin e Llogarasë dhe Unazën e Madhe.
Katër gjyqtarët besnik deri në vdekje Partisë dhe liderit Edi Rama, votuan ashtu siç mendon Krietari: Marjana Semini, Sander Beci, Sonila Bejtja dhe Fjona Papajorgji; Ndërsa katër gjyqtarë që menduan se lideri po çedon me mbesën e Beqirit, votuan kundër: Marsida Xhaferrllari, Asim Vokshi, Gent Ibrahimi dhe Ilir Toska.
