Para sulmit terrorist në Banjskë, Vuçiç: Jam takuar me Radoiçiçin!
Presidenti i Serbisë, Aleksandar Vuçiç e ka pranuar se para sulmit terrorist në Banjskë, është takuar tre net rresht me Milan Radoiçiçin, njeriun kryesor që e ka pranuar se e ka organizuar sulmin e 24 shtatorit ku mbeti i vrarë një polic i Kosovës dhe tre terroristë serbë.
Presidenti i Serbisë në një intervistë për televizionin serb “Happy” tha se në takimi ishte edhe Slavko Simiç dhe dhjetëra të tjerë.
“Unë tre net kam pas takim me ata, aty ishin Radoiçiç e Simiç edhe nja dhjetë burra tjerë. Më thanë në fytyrë se nuk ju besojnë as amerikanëve as evropianëve, ndërsa unë ju thashë se më duhet të ju besoj se nuk kam kujt tjetër sepse nuk kam askënd në terren.
Ata, amerikanët e evropianët, garantuan se shqiptarët nuk do arrestojnë askënd nga barrikadat. Pas tre muajve nisën arrestimet, mund të kuptoni telashet,” tha Vuçiç, duke bërë të ditur se përgjegjësit e sulmit terrorist në Banjskë, do të ndiqen penalisht.
Dhe jo vetëm kaq! Popullit kriminal që kërkon të sulmohet Kosova por që e refuzon shërbimin e rregullt ushtarak, Presidenti i tyre u mbajti një leksion të çuditshëm.
“Ju duhet supremaci në ajr – kjo është paraja. Ju duhet këmbësoria – kjo është gjendja në terren. Ju duhet artileria – këto janë mediat. Paraja vjen nga tre anë – nga fuqitë e mëdha, shtetet e rajonit që kanë interes të ndikojnë në dobësimin e Serbisë, dhe qarqeve të ndryshme politike të sektorit joqeveritar. Këmbësoria shkon në këtë mënyrë – armatimi i Shqiptarëve, armatimi i Serbëve dhe veprimi në partitë politike si në Serbinë qendrore ashtu në Kosovë, si tek ato serbe ashtu dhe ato shqiptare,“ tha Aleksandar Vuçiç i cili gjithë karrierën e tij politike e çoi që ta bëjë Serbinë gjithmonë të gatshme për luftë, ndërsa për kërkesën drejtuar Këshillit të Sigurimit të OKB lidhur me ndalimin e dinarit serb në Kosovë u mundua ta shes si një gjë të madhe.
“Nuk besoj se do thirret mbledhja e KS OKB. Ne duhet të bëjmë përpjekje,” tha Presidenti i Serbisë Aleksandar Vuçiç duke bërë të ditur se i ka shkruar Presidentit të SHBA, Joe Biden, të KE Ursula von der Leyen, të Francës Emmanuel Macron, atij kinez Xi Jinping, kryeministrit holandez Mark Rutte dhe kryeministres italiane Girogia Meloni.
