Para takimit me Thaçin, Albin Kurti bën një hap më të çuditshëm se qenia “Isa Mustafa”
Pas dështimit të negociatave me Lidhjen Demokratike të Kosovës me zgjedhjen e Glauk Konjufcës për Kryetar të Parlamentit janë bërë kalkulime nga më të ndryshmet në zgjidhjen e ngërçit të koalicioni qeverisës por askush nuk e kishte menduar një kalkulim të cilin e bëri Kryetari i Lëvizjes Vetëvendosje, Albin Kurti, pak minuta para takimit me Presidentin për marrjen e mandatit qeverisës dhe mbajtjes së Kryesisë së LDK, për siç tha, të mirën e qytetarëve.
LDK me në krye Isa Mustafën ka kohë që e ka humbur busullën dhe nuk di se ku të ankorohet, por “kompromisi” që i bënë Albin Kurti duke i lënë Ministrinë e Brendshme dhe duke mos i lënë asnjë ministri tjetër që vlenë, e bënë situatën më të pashpresë për Kosovën kur dhe partia e parë fituese ka sjellje si Isa Mustafa.
“Për zv. kryeministër, Haki Abazi, ministër të drejtësisë Albulena Haxhiu, ministër i jashtëm Blerim Reka, ministër i Financave Besnik Bislimi, ministre e ekonomisë Rozeta Hajdari dhe ministër i Shëndetësisë Arben Vitia,” tha Albin Kurti i gatshëm t’ia fillon punës për të mirën e qytetarëve, e sipas programit qeverisës tashmë të dakorduar zotohet se menjëherë pasi t’i ket ata gjashtë emra, do ta sjell emrin e ministrit nga pakicat joserbe dhe atë të pakicës serbe, por edhe emrat e së paku 10 zëvendësministrave të Lëvizjes Vetëvendosje!
Kryetari i Lëvizjes Vetëvendosje thotë se ka përzgjedhur por këtë ofertë nuk ka parti në këtë përbërje parlamentare që do ta pranojë. Këtë duhet ta dijë jo Albin Kurti por edhe roja te selia e Vetëvendosjes!
Ndryshe, takimi i Kryetarit të Lëvizjes Vetëvendosje, Albin Kurti me Presidentin Hashim Thaçi pritet ë filloj në orën 15:00.
“Sot u bënë tre muaj nga zgjedhjet e 6 tetorit të vitit të kaluar, kur qytetarët masivisht votuan edhe për ndryshime politike në vend edhe e bënë Lëvizjen VETËVENDOSJE! subjekt të parë e fitues.
Më 26 dhjetor 2019, në seancën konstituive të legjislaturës së shtatë u detyruam të shkojmë pa marrëveshje me LDK-në. Sot, më 6 janar 2020, në takim konsultativ me Presidentin e Republikës, sërish jam i detyruar të shkoj pa marrëveshje me LDK-në. Përkundër përpjekjeve të mia të vazhdueshme, nuk m’u bë e mundur të kem një takim me kryetarin e LDK-së para këtij takimi të sotëm me Presidentin e shtetit.
Të dashur qytetarë të Republikës,
Askush prej nesh nuk e ka menduar që viti i ri 2020 do të na zë pa qeveri. Si Kryeministër i ardhshëm i Republikës së Kosovës, si përfaqësues i juaji politik që ka marrë më së shumti vota në dy palë zgjedhjet e fundit parlamentare, theksoj se nuk kemi kohë për të humbur. Koha që po ikën pa kthim nuk është kohë private e individuale e politikanëve, por është kohë e shtetit dhe kohë publike, e të gjithëve e për të gjithë.
I bëj thirrje udhëheqjes së LDK-së që sa më parë t’m’i dërgojë emrat e pesë ministrave të saj dhe të zëvendëskryeministrit apo të zëvendëskryeministres së parë nga radhët e saj. Nga Lëvizja VETËVENDOSJE!, unë si kryeministër i qeverisë së re, kam përzgjedhur: për zëvendëskryeministër të dytë të qeverisë, Haki Abazi, për Ministre të Drejtësisë, Albulena Haxhiu, për Ministër të Punëve të Jashtme dhe Diasporë, Prof. Blerim Reka, për Ministër të Financave dhe Transfereve, Prof. Besnik Bislimi, për Ministër të Ekonomisë, Tregtisë dhe Industrisë, Rozeta Hajdari, dhe, për Ministër të Shëndetësisë dhe Sportit, Arben Vitia.
Le t’ia fillojmë punës për të mirën e qytetarëve, e sipas programit qeverisës tashmë të dakorduar. Unë zotohem se menjëherë pasi t’i kem ata gjashtë emra, do ta sjell emrin e ministrit nga pakicat joserbe dhe atë të pakicës serbe, por edhe emrat e së paku 10 zëvendësministrave të Lëvizjes VETËVENDOSJE!”
