Parada” e papunësisë!

nga Dorjan Teliti

Në vetëm 2 muaj, të harruar, të pambështetur, të zhytur në gropën e një mijë e një halleve e problemeve, janë të paktën edhe 61 mijë persona që kanë humbur vendin e punës, pa përfshirë këtu mijëra e mijëra të tjerë që detyroheshin të punonin në të zezë.

Kanë humbur rrogën e tyre të paktën 61 mijë kryefamiljarë, të ardhurën e vetme që shpeshherë ishte në kufijtë e pagës minimale.

Ata humbën edhe ato pak para që i përdornin për të ushqyer fëmijët, për të paguar faturat e shtrenjtuara të dritave dhe të ujit-fatura që edhe në këtë kohë pandemie shteti ua kërkon një me një.

Shqiptarët e humbën shpresën. Atë shpresë që ndoshta një ditë shteti i tyre do mendonte sadopak për ta. Por ky shtet-pushtet i la në mëshirë të fatit.

Siç edhe shihet qartë tashmë qeveria do të “shtrijë” kudo filozofinë e saj 7-vjeçare: “Unë nuk punoj për njerëzit…kështu që as njerëzit s’kanë pse të punojnë”.

Shteti i oligarkëve është forcë pushteti ndaj qytetarëve.

Le të fillojë pra sot “parada e sukseseve” të qeverisë. Kush ka humbur punën dhe do ketë fatin ta shohë sot paradën…le të mos ankohet…se ndryshe do ti vijë e menjëhershme përgjigja nga Krye-Para(o)disti:

“Ke TV apo internet për të ndjekur paradën???

Atëherë paske lekë…rri aty e mos u anko.

S’ka mbështetje për ty, lekët më duhen për shokët e mi, ata më mbajnë në pushtet me lekët që u jap gjatë viteve”