Paradokse elektorale! Pse mungojnë ofertat qeverisëse përballë Vetëvendosjes?!
Ndonëse në vitin 2007 Partia Demokratike Kosovës po përballej me sulme “artilerike” nga mediat e batonëve dhe buzhalëve dhe nuk kishte mbështetje nga asnjë medie duke përfshirë dhe televizionin publik që kishte urdhër nga Kryeministri, RTK, që ndalonte prezencën e Thaçit, dhe, sipas tyre, ishte vetëm LDK ajo që mund të qeveriste vendin, Kyetari i PDK dhe kandidati për Kryeministër, Hashim Thaçi, me ofertat e qeverisë së tij në hije arriti të bind elektoratin kosovar se nuk ishte ai shefi i kriminelëve për të cilin propagandonin të gjitha mediat në Kosovë, pa dallim race e feje; Dhe, fitoi zgjedhjet duke shpërfillur betejën pa kompromis nga batonët e buzhalët!
Po çfarë po ndodhë sot! Skenari është i ngjashëm me batonë e buzhalë por me shumë më shumë media kundër Lëvizjes Vetëvendosje dhe Albin Kurtit, por, çuditërisht pre e kësaj propagande u bë dhe PDK dhe u fut nën jorganin e akuzave të gatshme që prodhojnë mediat më kriminale në rajon, tashmë të ndihmuara edhe nga organizata kriminale, AGK; Organizatë kriminale, sepse nuk mund të quhet ndryshe një Asociacion i Gazetarëve që nuk reagon edhe kur mediat me dorën e gazetarëve të këtij Asocacioni e krahasojnë Kryeministrin Albin Kurtin, me Hitlerin, kur dihen pasojat e një gazetari në shtetin nga vjen ky kriminel nazist, nëse merr guximin ta krahasoj qoftë dhe me një lider politik periferik!
Madje nuk reagon as në rastin e krahasimit me kriminelin serb Slobodan Milosheviç, për të cilin nuk ka kaluar as një çerek shekulli, dhe, të gjithë shqiptarët në Kosovë i kanë parë krimet serbe në vatrën e tyre!
Dhe, çuditërisht, mungojnë ofertat qeverisëse përballë dështimeve të theksuara të Lëvizjes Vetëvendosje në Infrastrukturë, Arsim dhe Shëndetësi, por, nuk mungojnë akuzat aty ku Albin Kurti është më i forti, jo sot, por edhe për shumë vite: Veriu dhe Dialogu!
LDK
Lidhjes Demokratike të Kosovës që pretendon të qeverisë me vendin pas zgjedhjeve të 9 Shkurtit, as në këtë fushatë zgjedhore nuk i mungon mbështetja nga mediat madje përfiton edhe nga televizionet e Shkëlqim Devollit dhe Spitalit që blenë Spitale, meqë është në taborrin përballë partisë që ju ka bërë të qartë këtyre dy biznesmenëve se duhet ta harrojnë epokën e kontrabandës dhe pastrimit të parave në Kosovë!
Ndoshta krekosja mediatike e LDK-së dhe liderit të saj Lumir Abdixhiku mund të arsyetohet nga ky favor që i japin mediat në fjalë duke përfshirë dhe televizionin publik, RTK, por rënia në delir me gjithë këtë mbështetje mediatike të pamerituar bëri që anëtarët e kësaj partie dhe Labdixhiku t’a çojnë logjikën me pushime dhe ta duartrokasin kandidaten për deputete Xhenete Syka edhe kur e krahasoj liderin e Lëvizjes Vetëvendosje dhe Kryeministrin Albin Kurti me kriminelin nazist Hitlerin!
Qytetarëve normal të këtij vendi nuk iu lejohet as të çuditen pak me Lidhjen Demokratike të Kosovës, pasi jo vetëm mungoi reagimi i kësaj partie pas një fyerje ekstreme që dilte nga goja e Drejtoreshës aktuale të Kulturës në komunën ku qeverisë, Pejë, por mungoi reagimi edhe me rastin e ilaritetit kur në televizionin e Ekrem Llukës, Gjakova u quajt “vendlindja e Radoiçiçit”!
Pse nuk reagoi lideri i LDK, Lumir Abdixhiku, nuk është çudi pasi ai e ka dhënë provimin se nuk ka lidhje as me elektoratin e kësaj partie dhe as me Dr.Ibrahim Rugovën, por, lidershipi i kësaj partie që e ka përjetuar fitoren edhe pas luftës së vitit 1999, kur Dr.Rugova në fushatën e parë zgjedhore i përgjëronte në Gjakovë që të mos votojnë vetëm për LDK-në por edhe për të tjerët se nuk ka kuptim, dhe merrte besimin e mbi 60% të qytetarëve, nuk duhet të lejojnë që një televizion qoftë ky edhe i Ekrem Llukës që i jep hapësirë për ta shajtë Albin Kurtin, t’i jap të drejtë vetes, që qytetin me më shumë viktima në Kosovë ta quaj “vendlindje Milan Radoiçiçit”; Kriminel serb, i cili, ma shumë ka vrarë shqiptarë të paarmatosur në qytetin e Gjakovës se sa që ka fisi i Ekrem Llukës dhe Ermal Pandurit që drejtonte ilaritetin në studio bashkë!
Dhe jo vetëm kaq! Lidershipi i LDK-së, që në numër të konsiderueshëm janë autor të librave, duhet të jenë edhe më të vëmendshëm kur një skenë e tillë shumë e shëmtuar ndodhë në televizionin e një botuesi librash që nuk njihet me hapësirën që i jep librave, por, sharjes së Kryeministrit të Kosovës, Albin Kurti!
Për ofertën, të mos flasim fare, meqë aty ku LDK ka pas historikisht ekspertët më të fortë, Shëndetësi dhe Arsim, mungon si analiza ashtu dhe premtimi konkret për daljen nga kjo krizë e rëndë që ka prekur këto dy institucione!
Ndërsa Veriu dhe Dialogu, për të cilat LDK hedh lumë me akuza, ajo jo vetëm që nuk ju sjellë vota por po mirëkutpohet nga qytetarët e Kosovës, sepse Lidhja Demokratike jo vetëm që nuk e kupton por as nuk e ka kuptuar kurrë!
PDK
Partia Demokratike e Kosovës si njëra ndër kundërshtaret serioze të Lëvizjes Vetëvendosje për pushtet, po i lë hapësirë duke shpërfillur historinë e fitoreve të saj elektorale dhe duke humbur kohë në fushatë zgjedhore për çështje që nuk i sjellin vota!
Në vitin 2007 Hashim Thaçi u fut në garë për të fituar dhe kjo fitore spektakolare duhet t’i shërbej kandidatit shumë të mirë për Kryeministër, Bedri Hamza, që të vazhdoj garën!
Lideri i kësaj partie u mor me premtimet konkrete sepse pas 8 viteve në liri nuk kishte nevojë më t’u thotë qytetarëve se kush e çliroi Kosovën dhe kush ishte UÇK! Ashtu siç nuk ka nevojë as sot Bedri Hamza të kënaq orekset e batonëve dhe buzhalëve për inatet që kanë me Albin Kurtin!
Ndikimin që ka sot PDK në RTK, Polici, Doganë e Prokurori nuk duhet ta shfrytëzoj për shantazhe kundër Kryeministrit të Kosovës, ashtu siç nuk ka nevojë ta përdor mundësinë në Gjykatën Kushtetuese për kontestimin e çdo ligji, sepse kjo lloj mundësie i është dhënë vetëm pakicës serbe nga Presidenti Ahtisari!
Për të fituar zgjedhjet, për të mirën e shtetit të Kosovës, Partia Demokratike dhe Bedri Hamza duhet të ofrojnë rrugëzgjidhje për aty ku ka treguar se ka kompetencë: Infrastrukturë, Arsim dhe Shëndetësi, dhe ku Lëvizja Vetëvendosje ka dështuar!
Qytetarëve të Kosovës nuk ju intereson se çfarë mendojnë batonët dhe buzhalët për Albin Kurtin, as se si zhvillohet ekonomia sipas Devollit, Allajbeut dhe Llukës nëse ikën Kurti, sepse ishin këto mendime që e futën Kosovën në qorrsokak, dhe jo masat e BE për shkak të Albinit, që propagandon kjo bandë mediatiko-ekonomike!
Për zhvillimin e ekonomisë, Bedri Hamza nuk ka nevojë për leksione nga Devolli, Allajbeu dhe Lluka, aq më pak nga batonët dhe buzhalët, por, ka nevojë urgjente për një strategji elektorale ndryshe, ti ofrohet Kosovës e cila po shpopullohet nga të rinjtë në mënyrë të frikshme!
Pse BE e don Serbinë në gjirin e saj përpara Kosovës kjo është çështje gjeopolitike të cilën nuk e ndryshon asnjë Kryeministër i Kosovës, por, pse PDK duhet të qeverisë Kosovën për të mirën e këtij shteti, kjo është detyrë e Bedri Hamzës, që duhe t’ia transmetoj qytetarit para se të dal para kutisë së votimit, sepse njohuritë dhe përvoja nuk i mungojnë!
Lëvizja Vetëvendosje
Fushata zgjedhore që kanë zgjedhur kundërshtarët e Albin Kurtit dhe dominimi i trurit të batonëve dhe buzhalëve në idetë elektorale si të PDK-së dhe LDK-së, aty ku Lëvizja Vetëvendosje është e fortë, do ta dënojnë këtë qeveri në krye me Kurtin që ta qeverisë Kosovën edhe për shumë vite!
Ta dënojnë, sepse kur e dëgjon Lumir Abdixhikun dhe Bedri Hamzën kur flasin për masat e BE ndaj Albin Kurtit, dhe kur shikon nga ana tjetër se “arsye” e këtyre masave është çlirimi i Veriut të Kosovës, 25 vjet pas përfundimit të luftës, i heq Kurtit një siklet të madh, që të lavdërohet për punën e tij në Veri!
Kur dëgjon rivalët e Albin Kurtit për Kryeministër, se Albin nuk i koordinon veprimet e tij me SHBA dhe BE, dhe nga ana tjetër me këtë “moskoordinim” të Kurtit ne sot nuk kemi banda në veri të Kosovës, dinarin serb, targat e Serbisë, institucionet paralele serbe, dhe, përfundimisht kemi vendosjen e lëvizjes së lirë, krijohet përshtypja sikur është kurti ai i cili ka hartuar strategjinë për rivalët e tij!
“U mbyllë Kampi Bondsteel”, shqiptarët e kanë dëgjuar më shpesh nga televizonet e Devollit, Allajbeut dhe Llukës duke akuzuar Kurtin se sa kanë ngrënë bukë, se Kryeministri i Kosovës na ka prishë me Amerikanë, dhe çuditërisht nga liderët opozitarë dëgjojnë edhe sot kur po ky Albin Kurti ka blerë dronë dhe po negocion për blerje të helikopterëve amerikanë Black Hawk për FSK-në!
Dhe, pavarësisht se Dialogu Kosovë-Serbi është karta më e fortë në të cilën Albin Kurti ka korrur sukses madje as Presidenti i Serbisë, Aleksandar Vuçiç, nuk po e zgjidhë dot, rivalët e tij me kokëfortësinë e një mushke vazhdojnë dhe i flasin elektoratit për dështimin e tij dhe themelimin e Asociacionit nga Kurti; E kur mbi këtë tortë të gatuar për të mirën e Kurtit nga Abdixhiku dhe Hamza, i hedhin në mbrëmje qershinë batonët dhe buzhalët në televizionet e Devollit, Spitalit që blenë Spitale dhe Llukës, Kurtit më shumë i duhet një terapi psikologu për t’u konsultuar se si duhet të sillet me këta idiotë, se sa i duhet mendim shkencor politik si ta vazhdoj Dialogun!
Në fund, marrëdhënia me Brukselin! Të flas LDK dhe PDK për marrëdhëniet e dëmtuara të Kosovës me Brukselin për shkak të Albin Kurtit, para elektoratit të cilit vetëm për shkak të politikave të Kurtit i liberalizuan vizat dhe sot kosovarët lëvizin lirshëm në BE, është më shumë se autogol!
Një kosovari që është shpërfytyruar në çdo ambasadë evropiane vetëm për një vizë, dhe sot vetëm fal Albin Kurtit i cili bindi kancelaritë evropiane se po lufton korrupsionin, ai lëviz lirshëm, t’i thuash se Lëvizja Vetëvendosje dhe Kurti po na prishin me BE, dhe këtë ta përsëritësh deri sa ai do të palohet para kutisë së votimit më 9 shkurt, Kryeministrin Albin Kurti do ta vendosin para aktit të kryer:
Vazhdo dhe qeverisë me Kosovën!
