Paralajmërim të fortë policisë, Berisha: Edi Rama të mendojë dorëheqjen e tij!
Në prag të Protestës së madhe Kombëtare të 7 Korrikut, Kryetari i Partisë Demokratike, Sali Berisha, duk i bërë thirrje shqiptarëve që ti bashkohen protestës të cilë e konsideron si betejë të vërtetë, kishte një paralajmërim për policinë që nesër të mos provokojnë dhe të mos dhunojnë protestuesit ndërsa këshilloi Kryeministrin Edi Rama të mendoj për dorëheqjen e tij sa më parë.
“Së pari, ju përshëndes dhe ju falënderoj për praninë tuaj këtu në promovimin e këtij libri i cili është nga njëra anë një homazh për kauzat dhe aktivistët e shoqërisë civile, të cilët në kushte shumë të vështira kanë promovuar dhe mbrojtur këto kauza. Por nga ana tjetër është dhe një mesazh thirrjeje për të gjithë shqiptarët që të bashkohen me këto kauza të drejta të cilat kanë një emërues të përbashkët, mbrojtjen e lirive të shqiptarëve.
Është një nderim dhe homazh gjithashtu për të gjitha ata që nesër do të mbushin bulevardin në një protestë epike do të thosha, në një protestë jetikë për Shqipërinë, mbasi siç del çdo orë dhe çdo ditë Edi Rama dhe ekipi i tij abuzon me lirinë, me financat, me qenien, me dinjitetin e qytetarëve shqiptarë,” tha Sali Berisha në promovimin e librit “Shqipëria në Rrezik – çfarë duhet të bëjmë?” duke vlerësuar një ditë para protestës se entuziazmi është shumë i madh dhe pakënaqësia është e pakufishme:
“Le të bëjmë gjithçka për të shndërruar protestën tonë dhe mesazhin tonë në një magnet për shoqërinë e heshtur shqiptare. Për atë shoqëri e cila ndjek me dëshpërim të madh këto zhvillime, por që duhet të vendosë të reagojë, duhet të heqë dorë nga pasiviteti dhe shprehja “Ç’më duhet mua”, duhet të ngrihemi për ti thënë këtij autokrati si orët i ke të numëruara.”
Nesër opozita zbret në shesh, tha Sali Berisha pas këtij promovimi ndërsa kishte një mesazh për qytetarët shqiptarë:
“Një thirrje për cdo shqiptar të bashkohet nesër në protestën e 7 korrikut, për të kërkuar dorëheqjen dhe largimin e Edi Ramës dhe qeveritarëve të qeverisë së tij nga pushteti. Situata është jashtëzakonisht e ndezur. Pakënaqësi dhe urrejtja për këtë qeveri ka rrokur qiellin. Pandjeshmëria e saj është gjithashtu po kaq e madhe.
Mos të harrojmë se një kauzë të drejtë asgjë nuk mund ta mposhtë. Ndaj dhe shfrytëzoj këtë rast për të ftuar cdo qytetar dhe qytetare të këtij vendi të kontribuojë me praninë e tij në suksesin e protestës. Paralajmëroj të gjithë llojet e policive, se cdo presion, cdo qëndrim, cdo përpjekje për të intimiduar, për të dhunuar, për të penguar, popullin opozitar, do të regjistrohet dhe do të marrë ndëshkim personal të merituar ligjor. Paralajmëroj të mos provokojnë protestuesit,” tha Kryetari i PD, Sali Berisha i cili kishte një mesazh dhe për Kryeministrin Edi Rama:
Është e vërtetë që vapa dhe temperaturat janë të larta, por më të larta janë temperaturat e brendshme të njerëzve, që vijnë të protestojnë ndaj këtij regjimi. Nesër pra është një ditë e madhe. Nesër është një ditë frymëzimi, një ditë beteje të vërtetë. Opozita zbret në shesh. Edi Rama është i ftuar të mendojë dorëheqjen e tij sa më parë”, tha Berisha.
Fjala e kryetarit PD, Sali Berisha, në promovimin e librit “Shqipëria në Rrezik – çfarë duhet të bëjmë?”
Së pari, ju përshëndes dhe ju falënderoj për praninë tuaj këtu në promovimin e këtij libri i cili është nga njëra anë një homazh për kauzat dhe aktivistët e shoqërisë civile, të cilët në kushte shumë të vështira kanë promovuar dhe mbrojtur këto kauza. Por nga ana tjetër është dhe një mesazh thirrjeje për të gjithë shqiptarët që të bashkohen me këto kauza të drejta të cilat kanë një emërues të përbashkët, mbrojtjen e lirive të shqiptarëve. Është një nderim dhe homazh gjithashtu për të gjitha ata që nesër do të mbushin bulevardin në një protestë epike do të thosha, në një protestë jetikë për Shqipërinë, mbasi siç del çdo orë dhe çdo ditë Edi Rama dhe ekipi i tij abuzon me lirinë, me financat, me qenien, me dinjitetin e qytetarëve shqiptarë.
Temperaturat janë të larta, por më e lartë është dhe urrejtja popullore për këtë dhunues të kauzave, të lirive apo gjithçka lidhet me liritë e qytetarëve shqiptarë, me qenien e tyre. Libri është dëshmi gjithashtu e një serioziteti të madh me të cilin merret mbrojtja e kauzave dhe së bashku me himnin e Renis Gjokës dhe Big Basta që është barrakuda e protestës sonë, ne do ecim të pandalshëm në këtë rrugë sepse kjo qeveri nuk meriton të jetë në pushtet as edhe një ditë të vetme.
Qytetarët janë njohur tashmë me mënyrën e paimagjinueshme të vjedhjes së parave të thesarit të shtetit duke shpallur biznesmenë njerëz të moshuar në azile, njerëz që u kanë vjedhur kartat e identitetit, njerëz që nuk kanë asnjë lidhje por kanë një fat të keq: mafia qeveritare e djegësave ka vendosur t’i përdorë ata për të vjedhur gjatë kësaj periudhe 60 milionë euro, ndërkohë që qytetarëve që përballen me rritje të papërmbajtshme çmimesh nuk u kompensohet një qindarkë e vetme.
Pamë në parlament javën që shkoi se si qindra milionë euro të përfituara, të marra nga rritja e çmimeve, pra nga xhepat e qytetarëve, nuk u kthye asnjë qindarkë tek ata por u ndanë nga qeveritarët për xhepat e tyre. Shohim se në këtë përudhë krize të madhe, përsëri Edi Rama nuk njeh kufij në vjedhjet e tij me kabinetin e tij. Dërgon tek Zoto, Mërtiri ushtarët e vet të hajnisë në aferën e djegësave, çdo ditë 80 mijë euro për të treguar karakterin qesharak të procesit dhe hetimit që zhvillohet sot ndaj kësaj afere. Pra kemi të bëjmë me një person dhe një qeveri, për të cilin në mënyrë absolute qytetarët shqiptarët nuk ekzistojnë, apo ekzistojnë vetëm për tu vjedhur, për tu mashtruar për tu nënshtruar.
Këto përgjigje do të japë protesta nesër e në vazhdim. Entuziazmi është shumë i madh, pakënaqësia është e pakufishme, le të bëjmë gjithçka për të shndërruar protestën tonë dhe mesazhin tonë në një magnet për shoqërinë e heshtur shqiptare. Për atë shoqëri e cila ndjek me dëshpërim të madh këto zhvillime, por që duhet të vendosë të reagojë, duhet të heqë dorë nga pasiviteti dhe shprehja “Ç’më duhet mua”, duhet të ngrihemi për ti thënë këtij autokrati si orët i ke të numëruara.
