Paralajmërimi, Gjiknuri: Nëse Opozita e Bashkuar s’do të bëhet pjesë, do të vijojmë…

Ndënse u prit një zgjidhje e arsyeshme nga mbledhja e Këshillit Politik për Reformën Zgjedhore, Përfaqësuesi i PS në Këshill, Damian Gjiknuri, tha se pret nga Opozita e Bashkuar të sjellë propozime konkrete në Këshill dhe jo përmes studiove televizive, dhe nëse kjo nuk ndodhë Parlamenti ka detyrimin për të zbatuar ndryshimin e Kushtetutës.

“Hajdeni me propozime konkrete, aty ka një draft. Ky këshill është krijuar për tu konsultuar me opozitën jashtë parlamente. I themi sillni propozime.

Propozimet në këshill duhet të vijnë me shkrim jo në studio televizive. I dhamë kohë. Por tentativa për këto që përsëriten njëherë në shqip njëherë në anglisht bëhen për të minuar procesin dhe për të bllokuar zbatimin e amendimeve kushtetuese. Ne nuk do ta lejojmë këtë. Kemi një emergjencë kohore. Do t’i mirëpresim deri në ditën e fundit. Jemi të gatshëm të punojnë 24 orë me propozimet konkrete.”

Dhe duke fajësuar Opozitën e Bashkuar ashtu siç bëri nga 5 Qershori, Gjiknuri tha se nëse ata nuk duan të prononcohen për pozicionin e tyre në do të vazhdojmë.

”Natyrshëm që nuk do lëmë vakum kushtetues. Nëse ata s’duan të bëhen pjesë, apo të prononcohen, do të vijojmë. Këshilli Politik është krijuar për shkak të dëshirës së mirëtë mazhorancës me një palë që bëri vetvrasje politike.  Ne përtej rekomandimeve të ODIHR, plotësuam kërkesat. PD ka shprehur kundërshtitë pë Kushtetutën. Pse bëjnë sikur u zgjuan dje? Kushtetuta ka ndryshuar, Kuvendi ka për detyrë ta zbatojë.

Nëse zgjedhin rrugët e tyre, s’mund të mbahet peng. Organi konsultativ të mbajë peng vendimmarrësin? S’mund të ndodhë. PS i qëndron marrëveshjes së 5 qershorit.”- tha Gjiknuri.