Paralajmërimi i fundit, Ilir Meta: Parlamenti shpërndahet me një dekret!
Në kohën kur dy anëtaret e Gjykatës Kushtetuese me ose pa bekimin e Presidentit të Republikës, Marsida Xhaferllari dhe Arta Vorpsi, zunë vend në Gjykatën Kushtetuese dhe Parlamenti po diskutonte në një seancë të jashtëzakonshme rreth një Rezolute për situatën e krijuar pas betimit të Vorspit para një Noter, Ilir Meta tha se ka një paralajmërim të fundit për atë që e quajti bandë uzurpatore që ka dy vjet që ka përdhosur Kushtetutën e vendi, Parlamenti me një dekret shpërndahet!
“Pavarësisht nga deformimet e pandershme që janë bërë në pabesi ndaj vullnetit të popullit shqiptar gjatë këtyre 21 viteve kam një paralajmërim të fundit për gjithë ata që mendojne se betimi i Ilir Metës me dorën mbi Kushtetute ka qenë një proces formal apo ceremonial.
Nuk ka institucion më të rëndësishëm në Republiken e Shqiperise se sa Kushtetuta e Rebublikes se Shqiperise e cila ka vetëm një garant të padiskutueshëm e pacënueshëm në integritetin e vet, qe është Gjykata Kushtetuese.
Përpjekjet për të dhunuar Kushtetutën në përpjekje për të kapur përfundimisht gjithë sistemin e drejtësisë me kapjen e Gjykatës Kushtetuese janë të dështuara, janë të vdekura,” tha Ilir Meta duke shtuar se askush të mos guxojë të përdhosë Gjykatën Kushtetuese, është institucioni më i rëndësishëm.
“Parlamenti me një dekret shpërndahet, qeveria me një mocion rrëzohet, presidenti përsëri shkarkohet por jo Gjykata Kushtetuese. Nëse dikush mendon se angazhimet e mia kanë qenë ceremoniale duhet ti bëj të qartë se në fund fare kjo është kuhtetutë që mbron popullin dhe do jetë detyra e presidentit që ti tregojë vendin kësaj bande uzurpatore”.
Dhe jo vetëm kaq!Përvecc paralajmërimit për shpërndarjen e parlamentit ai shtoi:
“Presidenti: Jam i qartë, secili të shikojë detyren e vet detyra do jetë e presidentit
dhe në momentin e duhur presidenti do i drejtohet popullit dhe gjithe botës per të mbrojtur demokracinë që është dhunuar në mënyrë barbare sidomos në këto dy vite që u la pa Gjykatë Kushtetuese.”
