Paralajmërimi i SHBA, deputeti i PD: Hakërrim provokativ! Lazarati është bartës i vlerave e idealeve demokratike!
Pas paralajmërimit të Ambasadës së SHBA në Tiranë për qytetarët amerikanë që të shmangin Lazaratin sepse situata e sigurisë atje mbetet e paqëndrueshme për shkak të krimit dhe dhunës që lidhen me kultivimin e marijuanës, ka reaguar deputeti i Partisë Demokratike nga Gjirokastra, Tritan Shehu, duke shpresuar të jetë një lapsus absurd ose ndoshta dhe një hakërrim provokativ sepse Lazarati është lënë krejt në harresë e persekutim nga regjimi i Ramës ndërsa është bartës i vlerave e idealeve demokratike, europiane dhe të miqësisë së thellë me SHBA.
“Si përfaqesues i atij komuniteti fisnik, puntor e të ndershëm, dhe i të gjithë Qarkut të Gjirokastrës, dëshiroj të garantoj cilindo për situatën tejet normale, jashtë çdo përfshirje në krim, të atij fshati ku askush nuk mund të gjejë qoftë dhe një rrënjë kanabis,” tha Tritan Shehu duke ftuar çdo njërin që dëshiron të shkojmë së bashku, të vizitojmë, të bisedojmë me banorët aty dhe pse jo të marrim edhe një kafe.
“Ai komunitet, i persekutuar rëndë gjatë komunizmit, i lënë krejt në harresë e persekutim nga regjimi i Ramës, është bartës i vlerave e idealeve demokratike, europiane dhe të miqësisë së thellë me SHBA,” tha deputeti i PD, Tritan Shehu duke konfirmuar se ky është realiterti dhe nuk mund të tjetërsohet as nga keqinformimet dashakeqe të Qeverisë sonë e instrumentave të saj, si pasojë e një urrejtje patologjike, pikërisht për shpirtin demokrat të lazaratasve.
Ndryshe, Ambasada e SHBA në Tiranë në paralajmërimin e saj ndër të tjera i bënë thirrje shtetasve amerikanë të bëjnë më shumë kujdes në fshatin jugor të Lazaratit për shkak të krimit.
“Situata e sigurisë në Lazarat mbetet e paqëndrueshme për shkak të krimit dhe dhunës që lidhen me kultivimin e marijuanës. Policia lokale ka aftësi të kufizuar për të mbrojtur dhe ndihmuar udhëtarët. Qeveria amerikane nuk është në gjendje të ofrojë shërbime emergjente për qytetarët amerikanë në Lazarat pasi punonjësve të qeverisë amerikanë u ndalohet të udhëtojnë atje,” thekson Ambasada e SHBA në Tiranë.
Reagimi:
Po lexoj thellesisht i habitur ne media dhe Web Site e Ambasades se ShBA nje lajm per Lazaratin, ku ai cilesohet si nje zone krimi, e pa sigurte edhe per policine, per shkak te kanabisit.
Kam mbetur “pa fjale” nga ky publikim, qe shpresoj te jete nje lapsus absurd ose ndoshta dhe nje hakerrim provokativ.
Si perfaqesues i atij komuniteti fisnik, puntor e te ndershem, dhe i te gjithe Qarkut te Gjirokastres, desheroj te garantoj cilindo per situaten tejet normale, jashte cdo perfshirje ne krim, te atij fshati ku askush nuk mund te gjeje qofte dhe nje rrenje kanabis.
E bej kete duke e ftuar cdo njerin qe desheron te shkojme se bashku, te vizitojme, te bisedojme me banoret aty dhe pse jo te marrim edhe nje kafe.
Ai komunitet, i persekutuar rende gjate komunizmit, i lene krejt ne harrese e persekutim nga rregjimi i Rames, eshte bartes i vlerave e idealeve demokratike, Europiane dhe te miqesise se thelle me ShBA.
Ky eshte realiterti aty qe nuk mund te tjetersohet as nga keq informimet dashakeqese te Qeverise sone e instrumentave te saj, si pasoje e nje urrejtje patologjike, pikerisht per shpirtin demokrat te lazaratasve.
