Paralajmërimi, Meta: Si po instalohet grushti i shtetit përmes KÇK!

Paketa ligjore që nga Kryeministri Edi Rama u pagëzua “Anti-KÇK” dhe u miratua nga qeveria me akt normativ, për Presidentin e Republikës, Ilir Meta, është një përpjekje për të instaluar grushtin e shtetit, arsye kjo pse doli dhe në konferencë të jashtëzakonshme për media.

“KÇK është përpjekje për të instaluar grushtin e shtetit, me ca letra bën grusht shteti, nuk ka nevojë për tanke dhe gaz, me ca letra mbyllet çdo gjë më një dorë, pronat, të drejtat, paratë, sovraniteti, vetë ali vetë kadi, ka vetëm maliq nuk ka ligj,” tha Ilir Meta duke paralajmëruar se grushtit të shtetit do ti përgjigjet me dekrete.

“Presidenti grushtit të shtetit i përgjigjet me dekrete dhe do të keni së shpejti dekret, dhe së dyti do ti drejtohet shqiptarëve në mbrojtje të kushtetutës sepse ajo garanton unitetin tonë, pavarësisht se dikush është nga veriu nga jugu, apo feja, dhe përkatësia politike.”

Dhe jo vetëm kaq! Në fund, Presidenti Meta foli për një grup njerëzish që sipas tij kërkojnë ta kthejnë vendin në një burg me ngjyra.

“Është një grusht njerëzish që përmes grushtit të shtetit kërkon ta kthejë këtë vend në një burg të madh por me ngjyra,” tha Ilir Meta duke folur për një shtet të rrënuar ligjërisht ndonëse i tillë ishte edhe kur qeverisej nga ai së bashku me Edi Ramën, pavarësisht se ishte urdhëruar nga Presidenti i Serbisë, Boris Tadiç. Por, sot, këtë shtet që e rrënoi së bashku me Edi Ramën ai e konsideron KPD të Partisë Socialiste dhe me këtë gjuhë shprehet:   

“Këtu është ku thërret qameti!”

Në Gjykatën Kushtetuese, kamikazët e partisë

Por Presidenti i Republikës nuk përfundoi me akuzat ndaj qeverisë, ai publikoi letërkëmbimet mes Parlamentit dhe Kreut të Këshillit të Emërimeve në Drejtësi, Ardian Dvorani, lidhur me emërimet në Gjykatën Kushtetuese që solli më pas një konflikt mes Presidentit dhe mazhorancës.

Meta tha se Dvorani është përgjigjur vetë, ndërkohë që kërkohej informacion nga KED dhe për më tepër është bërë nul një letër e Presidentit tre ditë para këtij letërkëmbimi. Sërisht Presidenti tha se po finalizohet një tentativë për grusht shteti.

“Më 8 nëntor kreu i Kuvendit ndër të tjera i thotë Ardian Dvoranit: ‘Në këto kushte për të garantuar të drejtën e çdo kandidati në votim, Kuvendi kërkon të informohet brenda ditës nga KED mbi ecurinë e procesit të emërimeve nga Presidenti’. Përgjigjja e Dvoranit pa mbledhur KED: ‘Ditën e sotme, pra për datën 8, pranë KED nuk ka ardhur ndonjë njoftim nga Presidenti për të emëruar një nga kandidatët e listës që ka emëruar Këshilli.

Gjithashtu dhe në faqen zyrtare nuk është bërë publike ushtrimi i së drejtës. Prandaj vlerësoj që zonja Vorpsi konsiderohet e emëruar si gjyqtare e Kushtetueses.’

Në datën 5 nëntor, se jemi në përpjekjen finale për të bërë shtet dhe përpjekjes për grusht shteti në Shqipëri. Në këtë letër të Presidentit të Republikës që i është dërguar kryetarit të Kuvendit, avokates së Popullit dhe për dijeni gjithë ambasadave që nuk i zë gjumi për drejtësinë, Presidenti me këtë vendim paraprak synon respektimin e normës Kushtetuese të zbatimit të radhës me anëtarët e Gjykatës Kushtetuese,” tha Ilir Meta.

Për Paketën Anti-KÇK dhe Operacionin Forca e Ligjit, Meta tha se nuk i bën përshtypje por iu referua një sondazhi, ku 85% nuk e besojnë, 15% përpiqen ta besojnë ndërkohë foli për ndryshimet në Ligjin për Gjykatën Kushtetuese me çështjen e betimit të gjyqtarit, të cilin e quajti Ligji “Krye-KÇK”.  Këtë veprim Ilir Meta e konsideron përpjekje antikushtetuese për të çuar kamikazët e partisë në Gjykatën Kushtetuese edhe pse kësaj rrace ishin që nga viti 1945.

“Ligji për Krye-KÇK. Ky ligji që duan të bëjnë që në kundërshtim me Kushtetutën, të bëjnë të mundur që të çojnë të gjithë kamikazët e partisë në Gjykatën Kushtetuese që është jo vetëm një përpjekje antikushtetuese dhe do të dështojë, por është dhe një përpjekje për të nxirë fytyrën e Gjykatës Kushtetuese sepse nuk duan që anëtarët të kalojnë nga Presidenti dhe të hyjnë nga dera e Gjykatës Kushtetuese, por duan me këtë ligj t’i fusin nga oxhaku i Gjykatës Kushtetuese, që ta nxijnë dhe më keq, Gjykatën Kushtetuese dhe Reformën në Drejtësi.

Kush hyn nga oxhaku i nxirë del. Këta thirrën Venecian dhe një ditë para se Venecia të vinte këtu duke e ditur që Venecia nuk është çmendur që të hedhë poshtë Venecian, iu lutën mos ta përfshinin në opinion atë që kishin pyetur para dy muajve Venecian se e kaluan në Kuvend,” tha Ilir Meta që tashmë ka renditur gjithë artilerinë politike dhe jo vetëm që ka, në mbrojtje të Presidentit të Republikës edhe pse e ka të qartë se “arrestimi i presidentit” është një shoë i diktatorit të ardhje.