Parashikimi i motit/ Pas të nxehtit afrikan vijnë reshjet, ja çfarë parashikohet javën tjetër…

Sinoptikanët parashikuan një valë të nxehti afrikan që do të përfshinte vendin këtë fundjavë. Sot temperaturat shënuan 36 gradë, ndërsa Shkodra, Tirana, Elbasani, Fieri, Berati dhe Gjirokastra janë qytetet që kanë përjetuar temperaturat më të larta.

Por parashikimet flasin që temperaturat të tejkalojnë vlerën e 38 gradëve përgjatë të dielës, duke e bërë dhe ditën më të nxehtë të kësaj vere deri tani.

Por java e ardhshme, do të nisë krejt ndryshe. Sipas parashikimeve temperaturat pritet të pësojnë rënie të menjëhershme me 8 gradë, dhe i gjithë vendi të përfshihet nga rreshjet e shiut.

Kjo situatë pritet të zgjasë deri më 26 korrik, ku do të ketë një tjetër rritje temperaturash.