Parashikimi i motit për datë 10 Dhjetor, ja çfarë pritet

Parashikimi i motit për datë 10 Dhjetor:

Sot priten reshje intensive deri lokalisht shumë intensive në qarqet Shkodër, Kukës, Elbasan, Vlorë dhe Gjirokastër, intensive në qarqet Dibër, Lezhë, Durrës, Tiranë, ndërsa mesatare deri lokalisht intensive në qarqet e tjera.

Në të gjitha qarqet reshjet priten të shoqërohen edhe me shtrëngata.

LIdhur me rrezikun nga përmbytjet, sot IGJEUM parashikon që reshjet me intensitet të lartë të përqëndrohen në veri dhe në jug të territorit. Në fund të ditës së nesërme reshjet intensive pritet të shtrihen në të gjithë territorin.

Në qarqet Shkodër, Kukës, Lezhë, Durrës, Tiranë, Elbasan, Vlorë dhe Gjirokastër mund të ketë vërshime të shpejta të lumenjëve të vegjël malorë dhe rrëshqitje të dherave.

Në zonat urbane, në këto qarqe mund të shfaqen probleme me përmbytje të lokalizuara, në varësi të gjendjes së kanalizimeve.

Ndërkohë, pritet një rritje e prurjeve të lumenjve kryesorë, veçanërisht në lumenjtë Drin-Buna, Shkumbin dhe Vjosë.

Era pritet të fryjë mesatare deri e fortë, sidomos në bregdet dhe në terrenet e larta malore.

Temperaturat minimale dhe maksimale:

Në bregdet: 15 / 19 °C

Në vendet e ulëta: 13 / 18 °C

Në vendet malore: 9 / 14 °C