Parashikimi i motit, për datë 10 Janar, ja çfarë pritet

Parashikimi i motit, për datë 10 Janar:

Sot në qarqet Shkodër Kukës, Dibër, Lezhë, Durrës, Tiranë, Elbasan, Vlorë dhe Gjirokastër priten reshje intensive, ndërsa në qarqet e tjera priten reshje mesatare.

Reshjet priten të shoqërohen me shtrëngata.

Në qarqet Shkodër Kukës, Dibër, Lezhë, Durrës, Tiranë, Elbasan, Vlorë dhe Gjirokastër rmund të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane, në këto qarqe mund të shfaqen probleme me përmbytje të lokalizuara, në varësi të gjëndjes së kanalizimeve.

Sipas llogaritjeve hidrologjike të Institutit të Gjeoshkencave, IGJEO, si rezultat i reshjeve me intensitet të lartë pritet një rritje e prurjeve dhe niveleve në lumenjtë Mat, Ishëm, Erzen, Shkumbin dhe Seman.

Rrezik të shtuar për përmbytje, në vazhdim të ditës së sotme do të kenë lumi Vjosë, lumi Drin-Buna dhe Liqeni i Shkodrës.

Në Veri, Lindje dhe Juglindje në lartësitë mbi 600 m nga niveli i detit reshjet do të jenë në formë dëbore. Reshjet e dëborës të pasuara nga ulja e ndjeshme e temperaturave dhe ngricat mund të krijojnë probleme të ndryshme dhe vështirësi në transportin rrugore.

Era pritet të fryjë mesatare deri e fortë në bregdet dhe në zonat malore.

Temperaturat minimale dhe maksimale:

Në bregdet: 7 / 14 °C

Në vendet e ulëta: 6 / 13 °C

Në vendet malore: -1 / 7 °C