Parashikimi i motit për datë 11 Dhjetor, ja çfarë pritet

Parashikimi i motit për datë 11 Dhjetor:

Sot priten reshje shumë intensive në qarkun e Gjirokastrës, intensive deri lokalisht shumë intensive në qarqet Vlorë dhe Korçë, ndërsa mesatare deri në lokalisht intensive në qarqet e tjerë.

Sipas llogaritjeve të IGJEO, në qarqet Berat, Vlorë dhe Gjirokastër mund të ketë vërshime të shpejta të lumenjve të
vegjël malorë dhe rrëshqitje të dherave. Në basenin e lumit Vjosa prurjet mund të shkaktojnë përmbytje të lokalizuara. Në zonat urbane në këto qarqe mund të shfaqen probleme me përmbytje të lokalizuara, në varësi të gjendjes së kanalizimeve.

Reshjet do të shoqërohen me shtrëngata në zonat qendrore dhe jugore të territorit.

Në lartësitë mbi 400 m reshjet priten të jenë në formë dëbore.

Era pritet të fryjë e lehtë deri mesatare, ndërsa në bregdet e fortë.

Temperaturat minimale dhe maksimale:

Në bregdet: 9 / 12 °C

Në vendet e ulëta: 6 / 10 °C

Në vendet malore: 0 / 3 °C