Parashikimi i motit, për datë 11 Shtator, ja çfarë pritet

Parashikimi i motit, për datë 11 Shtator:

Sot priten reshje intensive deri lokalisht shumë intensive në qarkun Shkodër. Në qarqet Kukës, Dibër, Lezhë, Durrës, Tiranë dhe Elbasan priten reshje mesatare deri lokalisht intensive ndërsa në qarqet Fier, Berat dhe Vlorë reshjet priten të dobëta deri lokalisht mesatare.

Shtrëngatat dhe intensiteti i lartë i reshjeve, parashikon Instituti i Gjeoshkencave, për momente të shkurtra, mund të krijojnë probleme të ndryshme, si dhe vërshime të ujit në zonat urbane, në varësi të sistemit të kanalizimeve në qarqet Shkodër, Kukës, Dibër, Lezhë, Durrës, Tiranë dhe Elbasan.

Era pritet të fryjë e lehtë deri mesatare. Për momente të shkurtra era pritet të fryjë deri e fortë në bregdet dhe zonat malore.

Temperaturat minimale dhe maksimale:

Në bregdet: 21 / 29 °C

Në vendet e ulëta: 16 / 30 °C

Në vendet malore: 13 / 25 °C