Parashikimi i motit për datë 12 Janar, ja çfarë pritet

Parashikimi i motit për datë 12 Janar:

Sot priten reshje mesatare në qarqet Vlorë, Gjirokastër dhe Korçë, në
këto qarqe reshjet do të arrijnë lokalisht deri intensive. Në qarqet e tjerë priten reshje të dobëta dhe deri lokalisht mesatare në qarqet Tiranë, Elbasan, Fier dhe Dibër.

Reshjet do të shoqërohen me shtrëngata në qarqet Vlorë, Gjirokastër dhe Korçë.

Nga llogaritjet e IGJEUM, nivelet në lumenjtë Drin dhe Buna do të vazhdojnë të jenë të larta por me probleme lokale të përmbytjeve. Tërheqja e ujit në shtratin natyral të Lumit Buna parashikohet të ndodhë në datën 13 Janar 2021.

Lumenjtë Mat dhe Shkumbin do të vazhdojnë të kenë prurje të larta por brenda kuotave maksimale të argjinaturave. Lumenjtë e tjerë do kenë prurje të larta por nuk pritet shtim i problemeve të përmbytjeve.

Në të gjithë lumenjtë e mëdhenj, pritet ulje e ndjeshme e prurjeve në datën 13 Janar 2021dhe përgjatë javës në vazhdim, nuk parashikohet rrezik nga përmbytjet.

Sot dhe përgjatë javës edhe pse priten reshje nuk priten probleme nga përmbytjet vërshuese të përrenjve dhe lumenjëve të vegjël.

Era pritet të fryjë e lehtë deri mesatare.

Temperaturat minimale dhe maksimale:

Në bregdet: 8 / 14 °C

Në vendet e ulëta: 7 / 11 °C

Në vendet malore: 0 / 6 °C