Parashikimi i motit për datë 14 Janar, ja çfarë pritet

Parashikimi i motit për datë 14 Janar:

Sot priten reshje të dobëta në të gjithë qarqet, ndërsa qarqet Elbasan
dhe Korçë lokalisht deri mesatare.

Në zonat malore mbi 600 m mbi nivelin e detit priten reshje dëbore, kryesisht në veri dhe në lindje të vendit.

Nga llogaritjet e IGJEUM, nivelet në lumenjtë Drin dhe Buna do të vazhdojnë të jenë të larta por me probleme lokale të përmbytjeve.

Tërheqja e ujit në shtratin natyral të Lumit Buna parashikohet të ndodhë sot.

Lumi Vjosa do ketë rënie të ndjeshme të prurjeve përgjatë ditës së sotme.
Lumenjtë e tjerë nuk paraqesin rrezikshmëri nga përmbytjet.

Era pritet të jetë e lehtë deri mesatare kryesisht në bregdet dhe në vendet malore.

Temperaturat minimale dhe maksimale:

Në bregdet: 4 / 10 °C

Në vendet e ulëta: 1 / 8 °C

Në vendet malore: -6 / 4 °C