Parashikimi i motit, për datë 14 Shkurt, ja çfarë pritet

Parashikimi i motit, për datë 14 Shkurt:

Sot moti do të vijojë të jetë i paqëndrueshëm, i vranët dhe alternime kthjellimesh kryesisht përgjatë Ultësirës Perëndimore nga orët e mesditës e pjesërisht pasdite.

Reshjet e herëpashershme të shiut, parashikon Shërbimi Meteorologjik Ushtarak, do të jenë prezent që prej orëve të para të ditës, fillimisht në ekstremet veri-jug ku reshjet parashikohen të jenë me intensitet deri mesatar shoqëruar me shkarkesa elektrike, ndërsa në pjesën tjetër të territorit reshje me intensitet të ulët e hera-herës lokalisht mesatar. Në Alpe dhe relievet malore në lindje mbi 700-900metër. parashikohet prezencë e reshjeve të borës me intensitet të ulët.

Era do të fryjë me drejtim jug-juglindje deri 8m/sek, ndërsa në lugina dhe bregdet kryesisht atë jugperëndimore era fiton shpejtësi deri 15m/sek shoqëruar me dallgëzimin në dete 2-3ballë.

Temperaturat minimale dhe maksimale:

Në bregdet: 7 / 16 °C

Në vendet e ulëta: 6 / 16 °C

Në vendet malore: 0 / 11 °C