Parashikimi i motit për datë 15 Dhjetor, ja çfarë pritet

Parashikimi i motit për datë 15 Dhjetor, ja çfarë pritet:

Sot priten reshje shumë intensive në qarqet Shkodër, Kukës, Dibër, Lezhë dhe Elbasan dhe reshje intensive në qarqet Durrës, Tiranë, Vlorë dhe Gjirokastër si dhe reshje mesatare në qarqet Fier, Berat dhe Korçë.

Reshjet pritet të shoqërohen me shtrëngata.

Si rezultat i reshjeve me intensitet të lartë, IGJEUM parashikon se do të ketë rritje të rrezikshme të prurjeve në lumenjtë e mëdhenj dhe të mesëm Drin-Buna, Mat, Ishëm, Erzen, Shkumbin, Seman dhe Vjosë.

Përmbytje mund të shkaktohen nga lumi Drin-Buna dhe Liqeni i Shkodrës me prurje maksimale të cilat parashikohen të arrijnë zonat e rrezikuara gjatë paradites.

Lumenjtë Mat, Ishëm, Erzen dhe Shkumbin do i arrijnë prurjet maksimale gjatë pasdites së sotme. Në lumenjtë Seman dhe Vjosë nuk pritet rrezik për përmbytje.

Në qarqet Shkodër, Kukës, Dibër, Lezhë, Durrës, Tiranë, Elbasan, Vlorë dhe Gjirokastër pritet të ketë vërshime të shpejta të lumenjve si dhe rrëshqitje të dherave.

Në zonat urbane të këtyre qarqeve pritet të ketë përmbytje të lokalizuara në varësi të gjendjes së kanalizimeve.

Era pritet të fryjë e lehtë, mesatare deri e fortë.

Temperaturat minimale dhe maksimale:

Në bregdet: 15 / 19 °C

Në vendet e ulëta: 14 / 19 °C

Në vendet malore: 7 / 15 °C