Parashikimi i motit, për datë 15 Dhjetor, ja çfarë pritet

Parashikimi i motit, për datë 15 Dhjetor:

Sot priten reshje mesatare në të gjithë qarqet, por deri lokalisht intensive në qarqet Dibër, Elbasan, Korçë, Vlorë dhe Gjirokastër.

Në shumicën e qarqeve reshjet do të shoqërohen me shtrëngata.

Reshjet e dëborës pritet të zbresin deri në lartësinë 300 m mbi nivelin e detit, në Verilindje dhe Juglindje të vendit.

Shtrëngatat dhe intensiteti i lartë i reshjeve, parashikon IGJEUM, për momente të shkurtra mund të krijojnë probleme të ndryshme si dhe vërshime të ujit në zonat urbane në varësi të sistemit të kanalizimeve në qarqet Dibër, Lezhë, Tiranë, Elbasan, Vlorë dhe Gjirokastër.

Era pritet të fryjë e lehtë deri mesatare, për momente deri e fortë, kryesisht në bregdet dhe zonat malore.

Temperaturat minimale dhe maksimale:

Në bregdet: 11 / 18 °C

Në vendet e ulëta: 9 / 17 °C

Në vendet malore: 1 / 5 °C