Parashikimi i motit, për datë 16 Shkurt, ja çfarë pritet

Parashikimi i motit, për datë 16 Shkurt:

Sot priten reshje mesatare në qarqet Shkodër, Dibër, Lezhë, Durrës, Tiranë, Elbasan dhe Vlorë, shoqëruar me shtrëngata. Në qarqet e tjerë priten reshje të dobëta deri lokalisht mesatare.

Në Veri, Lindje dhe Jug Lindje të vendit, në lartësitë mbi 900 m nga niveli i detit reshjet pritet të jenë në formë dëbore, më të përqëndruara në Veri të vendit.

Sot shtrëngatat dhe intensiteti i lartë i reshjeve, mund të krijojnë probleme të ndryshme, si rënie gurësh e inertesh dhe vërshime të ujit në zonat urbane të lokalizuara, në varësi të sistemit të kanalizimeve në qarqet Shkodër dhe Lezhë.

Era pritet të fryjë e lehtë deri mesatare, për momente të shkurtra deri e fortë kryesisht në bregdet.

Temperaturat minimale dhe maksimale:

Në bregdet: 10 / 13 °C

Në vendet e ulëta: 8 / 13 °C

Në vendet malore: -2 / 5 °C