Parashikimi i motit për datë 17 Dhjetor, ja çfarë pritet

Parashikimi i motit për datë 17 Dhjetor:

Sot priten reshje intensive deri lokalisht shumë intensive në qarqet Shkodër, Kukës si dhe reshje mesatare deri lokalisht intensive në qarqet Lezhë, Durrës. Reshjet pritet të shoqërohen dhe me shtrëngata.

Ndërsa në qarqet e tjera priten reshje të dobëta deri lokalisht mesatare.

Lumenjtë Drin-Buna dhe Liqeni i Shkodrës, parashikon IGJEUM, do të vazhdojnë të kenë prurje dhe nivele të larta. Për pasojë, përmbytjet në pjesën e Nën Shkodrës dhe zonave periferike të qytetit të Shkodrës në afërsi të Liqenit do të vazhdojnë.

Në pjesën tjetër të territorit përgjatë ditëve në vazhdim nuk parashikohet rrezik i shtuar nga përmbytjet në gjithë pjesët fushore të lumenjve.

Në qarqet Shkodër, Kukës, Lezhë dhe Durrës pritet të ketë vërshime të shpejta të lumenjve si dhe rrëshqitje të dherave. Në zonat urbane të këtyre qarqeve pritet të ketë përmbytje të lokalizuara në varësi të gjendjes së kanalizimeve.

Era pritet të fryjë e lehtë, mesatare deri e fortë.

Temperaturat minimale dhe maksimale:

Në bregdet: 15 / 19 °C

Në vendet e ulëta: 15 / 18 °C

Në vendet malore: 10 / 14 °C