Parashikimi i motit, për datë 17 Shkurt, ja çfarë pritet

Parashikimi i motit, për datë 17 Shkurt:

Sot priten reshje mesatare deri lokalisht intensive në qarqet Shkodër, Dibër, Lezhë, Durrës, Tiranë, Elbasan, Fier, Vlorë dhe Gjirokastër, ndërsa në qarqet e tjerë priten reshje mesatare. Në të gjithë qarqet reshjet pritet të jenë në formë shtrëngate.

Shtrëngatat dhe intensiteti i lartë i reshjeve, mund të krijojnë probleme të ndryshme, si rënie gurësh e inertesh dhe vërshime të ujit në zonat urbane të lokalizuara, në varësi të sistemit të kanalizimeve në qarqet Shkodër, Lezhë, Durrës, Elbasan, Vlorë dhe Gjirokastër.

Në Veri, Lindje dhe Jug Lindje të vendit, në lartësitë mbi 600 m nga niveli i detit reshjet pritet të jenë në formë dëbore, më të përqëndruara në Veri të vendit.

Reshjet e dëborës të pasuara nga ulja e ndjeshme e temperaturave dhe ngricat mund të krijojnë probleme të ndryshme dhe vështirësi në transportin rrugor.

Era pritet të fryjë e lehtë deri mesatare, për momente të shkurtra deri e fortë kryesisht në bregdet.

Temperaturat minimale dhe maksimale:

Në bregdet: 10 / 10 °C

Në vendet e ulëta: 6 / 9 °C

Në vendet malore: -1 / 4 °C