Parashikimi i motit për datë 18 Janar, ja çfarë pritet

Parashikimi i motit për datë 18 Janar:

Sot priten reshje shumë intensive në qarqet Shkodër dhe Kukës, intensive deri lokalisht shumë intensive në qarkun e Gjirokastrës, intensive në qarqet Dibër, Lezhë, Elbasan, Korçë dhe Vlorë, ndërsa mesatare deri lokalisht intensive në qarqet e tjera të vendit.

Në qarqet Shkodër, Kukës, Dibër, Lezhë, Elbasan, Korçë, Vlorë dhe Gjirokastër reshjet priten të shoqërohen edhe me shtrëngata.

Era pritet të fryjë e mesatare deri e fortë, sidomos në bregdet dhe në terrenet e larta malore.

Rreziku nga përmbytjet

Sipas llogaritjeve hidrologjike të IGJEO, si rezultat i reshjeve me intensitet të lartë, sot do të ketë rritje të prurjeve në lumenjtë e mëdhenj dhe të mesëm Drin-Buna, Mat, dhe Vjosë. Përmbytje mund të shkaktohen nga lumi Drin-Buna dhe Liqeni i Shkodrës me prurje maksimale të cilat parashikohen të arrijnë zonat e rrezikuara gjatë paradites së sotme.

Lumenjtë Mat, dhe Vjosë do i arrijnë prurjet maksimale gjatë dt.20 Janar. Në lumenjtë Ishëm, Erzen, Shkumbin dhe Seman pritet një rritje e prurjeve, por që nuk përbën rrezik për përmbytje.

Në qarqet Shkodër, Kukës, Dibër, Lezhë, Elbasan, Vlorë dhe Gjirokastër pritet të ketë vërshime të shpejta të lumenjve si dhe rrëshqitje të dherave. Në zonat urbane të këtyre qarqeve pritet të ketë përmbytje të lokalizuara në varësi të gjendjes së kanalizimeve.

Temperaturat minimale dhe maksimale:

Në bregdet: 13 / 17 °C

Në vendet e ulëta: 12 / 17 °C

Në vendet malore: 6 / 11 °C