Parashikimi i motit për datë 19 Janar, ja çfarë pritet

Parashikimi i motit për datë 19 Janar:

Sot priten reshje shumë intensive në qarqet Vlorë dhe Gjirokastër, intensive në qarqet Shkodër, Kukës, Dibër, Lezhë dhe Elbasan, ndërsa mesatare deri lokalisht intensive në qarqet e tjera.

Në qarqet Shkodër, Kukës, Dibër, Lezhë, Tiranë, Elbasan, Vlorë dhe Gjirokastër reshjet priten të shoqërohen edhe me shtrëngata.

Era pritet të fryjë e mesatare deri e fortë, sidomos në bregdet dhe në zonat malore.

Rreziku nga përmbytjet

Sot, parashikon IGJEUM, do të ketë rritje të prurjeve në lumenjtë e mëdhenj dhe të mesëm Drin-Buna, Mat dhe Vjosë. Lumenjtë Drin-Buna dhe Liqeni i Shkodrës do të vazhdojnë të kenë prurje dhe nivele të larta. Për pasojë pritet përkeqësimi i hartës së përmbytjeve në pjesën e Nën Shkodrës dhe përmbytjes të zonave periferike të qytetit të Shkodrës në afërsi të Liqenit.

Për arsye të shtimit të rrezikut nga përmbytja, thekson IGJEUM, është vendosur të mbahet shenja e paralajmërimit nga përmbytja për qarkun e Shkodrës.

Rrezik të shtuar për përmbytje në vazhdim të ditës së sotme do të ketë dhe në lumin Vjosa.

Në lumenjtë Ishëm, Erzen, Shkumbin dhe Seman pritet një rritje e prurjeve, por që nuk përbën rrezik për përmbytje.

Në qarqet Shkodër, Kukës, Dibër, Lezhë, Elbasan, Vlorë dhe Gjirokastër pritet të ketë vërshime të shpejta të lumenjve si dhe rrëshqitje të dherave. Në zonat urbane të këtyre qarqeve pritet të ketë përmbytje të lokalizuara në varësi të gjendjes së kanalizimeve.

Temperaturat minimale dhe maksimale:

Në bregdet: 13 / 17 °C

Në vendet e ulëta: 12 / 14 °C

Në vendet malore: 6 / 10 °C