Parashikimi i motit për datë 21 Janar, ja çfarë pritet

Parashikimi i motit për datë 21 Janar:

Sot priten reshje mesatare në qarkun Shkodër, reshje të dobëta por lokalisht mesatare në qarqet Kukës, Vlorë dhe Gjirokastër. Ndërsa në qarqet e tjera priten reshje të dobëta.

Në veri sot reshjet priten të jenë në formë dëbore në lartësitë 300 mbi nivelin e detit.

Sipas llogaritjeve të IGJEUM, përgjatë dt. 23-26 Janar 2021 priten reshje intensive, të cilat do të jenë më të përqëndruara në veri dhe në jug të territorit.

Nga llogaritjet hidrologjike të IGJEUM, këto reshje do të sjellin rritje të prurjeve dhe niveleve në Lumenjtë Drin-Buna, Liqenin e Shkodrës dhe Lumit Vjosa.

Në pjesët e sipërme të këtyre baseneve lumorë, mund të ketë vërshime të shpejta të përrenjve dhe lumenjve më të vegjël. Lumenjtë e tjerë do kenë rritje të prurjeve por nuk parashikohet rrezik nga përmbytjet.

Era pritet të fryjë e lehtë.

Temperaturat minimale dhe maksimale:

Në bregdet: 6 / 14 °C

Në vendet e ulëta: 5 / 15 °C

Në vendet malore: -1 / 7 °C