Parashikimi i motit për datë 22 Janar, ja çfarë pritet

Parashikimi i motit për datë 22 Janar:

Sot priten reshje lokalisht mesatare në qarqet Elbasan dhe Korçë, ndërsa reshje të dobëta në qarqet e tjerë. Në Verilindje, Lindje dhe Juglindje të territorit reshjet pritet të jenë edhe në formën e dëborës, të cilat zbresin deri në lartësinë 400m mbi nivelin e detit.

Era pritet të fryjë e lehtë deri mesatare, ndërsa në bregdet dhe në veri të vendit deri e fortë.

Dëbora dhe ngrica

Reshjet e dëborës, parashikon IGJEUM, pritet të përfshijnë zonat Verilindore, Lindore dhe Juglindore të territorit. Reshjet e dëborës të pasuara me uljen e ndjeshme të temperaturave dhe ngricat mund të krijojnë probleme të ndryshme dhe vështirësi në transportin rrugor.

Temperaturat minimale dhe maksimale:

Në bregdet: -3 / 6 °C

Në vendet e ulëta: -6 / 2 °C

Në vendet malore: -15 / 1 °C