Parashikimi i motit për datë 24 Shtator, ja çfarë pritet

Parashikimi i motit për datë 24 Shtator:

Sot priten reshje intensive në qarqet Shkodër, Lezhë dhe Durrës, ndërsa mesatare në Dibër, Tiranë, Fier dhe Vlorë.

Reshjet e shiut, të shoqëruara me shtrëngata, do të prekin disa nga zonat e vendit. Shtrëngatat dhe intensiteti i lartë i reshjeve, për momente të shkurtra, mund të krijojë probleme të ndryshme si edhe vërshime të ujit sidomos në zonat bregdetare ose ato urbane si: Lezhë, Durrës, Tiranë, Fier dhe Vlorë, kjo në varësi të sistemit të kanalizimeve.

Shtrëngatat mund të jenë të shoqëruara edhe me shkarkesa elektrike dhe breshër në këto zona.

Era pritet të fryjë e lehtë deri mesatare, por do të ketë forcime të erës, sidomos në bregdet.

Temperaturat minimale dhe maksimale:

Në bregdet: 19 / 26°C;

Në vendet e ulëta: 18 / 27°C;

Në vendet malore: 12 / 23°C